NTR 30 : ఎన్టీఆర్ 30 నుండి క్రేజీ పిక్ లీక్.. రక్తపు ట్యాంకర్లతో అరాచకం..

NTR 30 : ఆర్ఆర్ఆర్ సినిమా త‌ర్వాత ఎన్టీఆర్ త‌న 30వ చిత్రం చేస్తున్న విష‌యం తెలిసిందే. ఎప్పుడో మొద‌లు కావ‌ల్సిన ఈ చిత్రం ప‌లు కార‌ణాల వ‌ల‌న వాయిదా ప‌డుతూ వ‌చ్చింది. ఎట్ట‌కేల‌కు రీసెంట్‌గా ఈ మూవీ పూజా కార్యక్ర‌మాల‌తో మొద‌లైంది. చిత్రంలో ఎన్టీఆర్ జోడీగా బాలీవుడ్ బ్యూటీ జాన్వీ కపూర్ సందడి చేయబోతోంది. ఇక ఈసినిమా షూటింగ్ కోసం హైదరాబాద్‌లో భారీ సెట్‌ను నిర్మిస్తున్నారు.. ఫస్ట్ షెడ్యూల్ లోనే భారీ యాక్షన్ సీన్స్ ను తెరకెక్కించబోతున్నట్టు , దాని కోసం భారీగా ఏర్పాట్లు కూడా చేస్తున్నట్టు వార్త‌లు వ‌స్తున్నాయి.

తారక్ యాక్షన్ ఎపిసోడ్స్ ఆయన కెరీర్ లోనే ఎప్పుడూ చూడని విధంగా కొర‌టాల ప్లాన్ చేస్తున్న‌ట్టు వినికిడి. పోరాట సన్నివేశాలలో.. రక్తం ఏరులై పారబోతున్నట్టు తెలుస్తోంది. రీసెంట్ గా ఈ సెట్స్ నుంచి రిలీజ్ అయిన బ్లడ్ ట్యాంకర్ ఫోటోతో .. ఈసినిమాలో యాక్షన్ సీన్స్ ఎలా ఉండబోతున్నాయో చెప్ప‌క‌నే చెబుతుంది. ఎన్టీఆర్30 సెట్స్ నుంచి లీక్ అయిన ఈ ఫోటోలో.. ట్యాంకర్ నిండా నీరు కాకుండా నకిలీ రక్తంతో నిండి ఉంది. ఎన్టీఆర్ 30 ఫస్ట్ షెడ్యూల్ షూటింగ్ కోసం ఈ డూప్ బ్లడ్ వాడబోతున్నట్టు తెలుస్తోంది.

చాలా రోజుల తర్వాత ఎన్టీఆర్ ని ఆది లాంటి ఊర మాస్ పాత్రలో చూడబోతున్నాం అంటూ ఫ్యాన్స్ ఫుల్ ఖుషి అవుతున్నారు. తారక్ ఫ్యాన్స్ ఇక బ్లడ్ బాత్ గ్యారెంటీ అంటూ కామెంట్ల వ‌ర్షం కురిపిస్తున్నారు. ఎన్టీఆర్ థర్టీ సినిమా ఇండస్ట్రీ చరిత్ర ను తిరగరాయబోతుంది అంటు ఫిక్స్ అయిపోయారు జనాలు. కచ్చితంగా ఈ సినిమా ఎన్టీఆర్ కెరియర్ లోనే వన్ ఆఫ్ ద బిగ్గెస్ట్ బ్లాక్ బస్టర్ హిట్ అవ్వబోతుంది అంటూ ఇప్ప‌టి నుండే జోస్యాలు చెబుతున్నారు ఫ్యాన్స్. ఆర్ఆర్ఆర్ తో తారక్ ఇప్పుడు గ్లోబల్ స్టార్ అయ్యాడు. అది దృష్టిలో పెట్టుకుని ఈసినిమాను తెరకెక్కిస్తున్నాడు కొరటాల. ఇక ఈసినిమాలో ఎన్టీఆర్ తో విలన్ గా తలపడబోయేది బాలీవుడ్ హీరో సైఫ్ అలీ ఖాన్. ఇక వీరిద్దరి మద్య పోరాట సన్నివేశాలు పీక్స్‌లో ఉంటాయ‌ని టాక్.