Karthikeya 3 : కార్తికేయ‌ 3 పై నిఖిల్ క్లారిటీ.. ఏ దేవుడి చుట్టూ తిరుగుతుందంటే..?

Karthikeya 3 : ఇటీవ‌లి కాలంలో విడుద‌లై నేష‌న‌ల్ వైడ్‌గా మంచి పేరు ప్ర‌ఖ్యాత‌లు పొందిన చిత్రం కార్తికేయ 2. ఈ సినిమాకి ఊహించని స్థాయిలో రెస్పాన్స్ వచ్చింది. అంతేకాకుండా భారీగానే కలెక్షన్స్ రాబట్టింది. డైరెక్టర్ చందూ మొండేటి దర్శకత్వం వహించిన ఈ సినిమా నార్త్ ఆడియన్స్ ను ఆకట్టుకుంది. తెలుగు రాష్ట్రాలతోపాటు ఓవర్సీస్ లోనూ ఈ సినిమా సత్తా చాటుకుంది. ఇప్పుడు కార్తికేయ‌, కార్తికేయ‌2 చిత్రాలు పెద్ద విజ‌యం సాధించ‌డంతో అంద‌రి దృష్టి కార్తికేయ‌3పై ఉంది.కార్తికేయ 3 చేస్తారా, చేస్తే ఈ మూవీ ఎలా ఉంటుంద‌నే ఆస‌క్తి అంద‌రిలో ఉంది. ఈ క్రమంలోనే ఇటీవల ఓ ఇంటర్వ్యూలో పాల్గోన్న నిఖిల్ ఈ సినిమా గురించి ఇంట్రెస్టింగ్ కామెంట్స్ చేశాడు.

త‌నను అందరు ఎక్కడికి వెళ్లినా కార్తికేయ 2 సినిమా ఎప్పుడు వస్తుందని అడిగేవారని.. ఇప్పుడు కార్తికేయ 3 గురించి అడుగుతున్నారని చెప్పాడు. అయితే సుబ్రహ్మణ్య స్వామి ఆలయం నేపథ్యంలో ‘కార్తికేయ’ కథ కొనసాగితే, ద్వారక నేపథ్యంలో ‘కార్తికేయ 2’ కథ సాగింది. ఇక ‘కార్తికేయ 3’ కథ అంతా కూడా అయోధ్య నేపథ్యంలో ఉంటుందనే భావిస్తుండ‌గా, ఈ సారి కథ శ్రీరాముడికి సంబంధించిన రహస్యాలతో నడుస్తుందని అంటున్నారు. త్వరలోనే ఈ విషయంపై క్లారిటీ వచ్చే అవకాశం ఉంది. కార్తికేయ 3 మరొక అద్భుతమైన రహస్యం అని.. ఇది మిమ్మల్ని ఆశ్చర్యపరిచేలా ఉంటుంద‌ని, ఎవరు చూడని, వినని ప్రాచీన సాంస్కృతిక చరిత్ర అని తెలిపారు నిఖిల్.

ఈ క్రమంలోనే కార్తికేయ 3 పై బజ్ ఏర్పడింది. కార్తికేయ 3 గురించి మాట్లాడిన నిఖిల్ ఒక వేళ నేను `కార్తికుయ 3` చేయకపోతే అభిమానులు ఏమంటారో తెలియదు కానీ మా అమ్మా మాత్రం నన్ను వదలదు` అని అన్నాడు నిఖిల్. ఇక నిఖిల్ – అనుపమ పరమేశ్వరన్ తో క‌లిసి ’18 పేజెస్ చిత్రం చేయ‌గా, ఈ మూవీ విడుదలకి సిద్దం అవుతోంది. గీతా ఆర్ట్స్ 2 నిర్మించిన ఈ సినిమాకి సుకుమార్ కూడా నిర్మాణ భాగస్వామి. పల్నాటి సూర్య ప్రతాప్ దర్శకత్వం వహించిన ఈ సినిమా నుంచి ఎలాంటి అప్‌డేట్స్ లేవు.