Nayanthara : స‌రోగ‌సీ వివాదం.. న‌య‌న‌తార‌, విగ్నేష్ శివ‌న్ కొత్త స్కెచ్ వేశారా..?

Nayanthara : న‌య‌న‌తార‌, విఘ్నేష్ శివ‌న్ కొన్నాళ్ల పాటు డేటింగ్‌లో ఉండ‌గా, ఎట్ట‌కేల‌కు జూన్‌లో వివాహం చేసుకున్నారు. జూన్ 9న పెళ్లి బంధంతో ఒక్కటైన ఈ జంట.. అక్టోబర్ 9న తమకు కవల పిల్లలు జన్మించారంటూ సోషల్ మీడియా ద్వారా తెలియజేశారు. దీంతో వీరి సరోగసి పద్ధతి ద్వారా పిల్లలకు జన్మనిచ్చారంటూ తెలుస్తోంది. అయితే ఇలా సరోగసి పద్దతిలో పిలల్లను కనడం అనేది వీరికి మరిన్ని ఇబ్బందులను తెచ్చి పెట్టింది. నయన్ తీరుపై సాధారణ ప్రజలు మాత్రమే కాకుండా సినీ ప్రముఖులు కూడా మండిపడుతున్నారు.

త‌మిళ‌నాడు ప్ర‌భుత్వం కూడా దీనిపై సీరియ‌స్ అయింది. పెళ్లైన నాలుగు నెలలకె పిల్లలు ఎలా పుట్టారో వివరణ ఇవ్వాలంటూ ఇప్పటికే నయన్ దంపతులకు నోటీసులు జారీ చేసినట్లుగా తెలుస్తోంది. అంతేకాకుండా ఈ ఇష్యూపై విచారణ జరిపిందుకు ప్రత్యేక కమిటిని ఏర్పాటు చేసింది. ఈ క్రమంలోనే గత కొద్ది రోజులుగా నయన్ భర్త విఘ్నేష్ శివన్ సోషల్ మీడియాలో ప‌లు పోస్ట్‌లు చేస్తున్నారు. అయితే ప్ర‌స్తుతం పరిస్థితులు చూస్తుంటే నయన్, విగ్నేష్ జంటకి ఉచ్చు బిగుసుకునేలా ఉంది.

తాజాగా నయన్ విగ్నేష్ దంపతులు సరోగసి కేసుని ఎదుర్కొనేందుకు కొత్త ప్లాన్ తెరపైకి తెచ్చారు. ఆరేళ్ళ క్రితమే తాము వివాహం చేసుకున్నట్లు ప్రభుత్వానికి నయన్, విగ్నేష్ ఆధారాలు సమర్పించినట్లు వార్తలు వస్తున్నాయి. సరోగసి విధానం పాటించాలంటే పెళ్లి జరిగి ఐదేళ్లు గడచి ఉండాలి. అలాగే అమ్మాయి వయసు 50 ఏళ్ల లోపు , అబ్బాయి వయస్సు 55 ఏళ్ల లోపు ఉండాలి. దీనితో నయనతార తాము ఆరేళ్ళ క్రితమే రిజిస్టర్ మ్యారేజ్ చేసుకున్నట్లు అధికారులకు ఆధారాలు చూపించారట. ఇటీవ‌ల జ‌రిగింది సంప్ర‌దాయ‌బ‌ద్ధంగా జ‌రిగింది అని చెప్పుకొచ్చార‌ట‌. ఇందులో ఎంత నిజం ఉంద‌నేది తెలియాల్సి ఉంది. నయనతార విఘ్నేశ్ శివన్ దంపతులకు పెళ్లి అయిన క్షణం నుంచి ఏదో ఒక వివాదం చుట్టుముడుతూనే ఉంది. పెళ్లైన తరువాత తిరమలకు వెళ్లడం, అక్కడి మాఢ వీధుల్లో నయన్ చెప్పులతో నడవడం, గుడి ముందే రకరకాల ఫోటో షూట్లు చేయడంతో వివాదం రాజుకుంది.