Naresh : కృష్ణ చ‌నిపోయిన స‌మయంలో న‌రేష్ అలా ప్ర‌వ‌ర్తించాడేంటి.. విమ‌ర్శ‌లు గుప్పిస్తున్న నెటిజ‌న్స్..

Naresh : సూప‌ర్ స్టార్ కృష్ణ న‌వంబ‌ర్ 15న అనారోగ్యంతో క‌న్నుమూసిన విష‌యం తెలిసిందే. ఆయ‌న మృతి టాలీవుడ్ ప్రియుల‌ని ఎంత‌గానో క‌ల‌వ‌ర‌ప‌రచింది. ఆరు దశాబ్దాలుగా 350 చిత్రాలకుపైగా నటించిన కృష్ణ ఇకలేరనే విషయాన్ని జీర్ణించుకోలేని స్నేహితులు, సన్నిహితులు, అభిమానులు తీవ్ర దిగ్బ్రాంతికి లోనయ్యారు. ఇక కృష్ణ మృతి నేపథ్యంలో తెలంగాణ ప్రభుత్వం అధికార లాంఛనాలతో అంత్యక్రియలను హైదరాబాద్ జూబ్లీహిల్స్‌లోని మహాప్రస్థానంలో నిర్వహించ‌గా, అనంత‌రం మహేష్ బాబు తన తండ్రికి సంబంధించిన కార్యక్రమాలను నిర్వహిస్తుండటం తెలిసిందే.

కృష్ణ చనిపోయిన స‌మయంలో న‌రేష్ ప్ర‌వ‌ర్త‌న ఇప్పుడు చ‌ర్చ‌నీయాంశంగా మారింది. కృష్ణ‌కి నివాళులు అర్పించేందుకు ప‌లువురు ప్ర‌ముఖులు హాజ‌రు కాగా, ఆ స‌మ‌యంలో నరేష్ హడావిడి చేస్తూ అందరినీ అదేదో శుభ కార్యం అయినట్టు తనే వెళ్లి రిసీవ్ చేసుకునే విధానం పరిశ్రమలో ఎవరికీ నచ్చలేదు. నటి పవిత్రని కూడా అక్కడే కుటుంబ సభ్యులతో కూర్చేపెట్టడం అలాగే కొంతమందికి ఆమెని పరిచయం చేయించటం కూడా కొంత ఎబ్బెట్టుగా అనిపించింది. ఆ రోజు న‌రేష్ చాలా ఓవర్ యాక్ట్ చేసాడని ఒక నిర్మాత, దర్శకుడు చెప్పారు.

కృష్ణ గారి పార్థివ శరీరం ఎప్పుడయితే నరేష్ ఇంటి నుండి పద్మాలయ స్టూడియోస్ కి తెచ్చేసారో, ఇంకా అప్పటి నుండి నరేష్ కనిపించటం చాలా తగ్గింది. విజయవాడ కృష్ణా నదిలో కృష్ణ గారి అస్తికలు కలపడానికి వెళ్ళినప్పుడు కూడా నరేష్ ని తీసుకు వెళ్లలేదు. తెలంగాణ ముఖ్యమంత్రి చంద్రశేఖర్ రావు గారు వచ్చి మహేష్ బాబు మరియు అతని సిస్టర్స్ తో మాట్లాడుతున్నప్పుడు నరేష్ మధ్యలో జోక్యం చేసుకోవటం ఆయ‌న‌ని సైలెంట్‌గా ఉండ‌మని కేసీఆర్ కూడా చెప్ప‌డం మ‌న‌కు క‌నిపించింది. ఇంత వ‌య‌స్సు వ‌చ్చిన కూడా ఆయ‌న ప్ర‌వ‌ర్త‌న‌లో మార్పు రాక‌పోవ‌డం అంద‌రిని ఆశ్చ‌ర్య‌ప‌రుస్తుంది. విజయనిర్మల చనిపోయినప్పుడు కూడాన‌రేష్ ఇలానే చేసి న‌వ్వుల పాల‌య్యాడు. వ‌య‌స్సు పెరుగుతుంది కాబ‌ట్టి కొంత హుందాగా ప్ర‌వ‌ర్తించ‌డం మంచిది అని కొంద‌రు త‌మ అభిప్రాయం వ్య‌క్తం చేస్తున్నారు.