Samantha : తీవ్ర అనారోగ్యం పాలై హాస్పిట‌ల్‌లో చేరిన స‌మంత‌.. క్లారిటీ ఇచ్చిన ఆమె మేనేజ‌ర్‌..

Samantha : ఎంతో చ‌లాకీగా ఉండే స‌మంత ఇటీవ‌ల త‌న‌కు మ‌యోసైటిస్ వ్యాధి సోకిందని ప్ర‌క‌టించ‌డంతో ఆమె గురించి నిత్యం వంద‌ల కొద్ది వార్త‌లు సోష‌ల్ మీడియాలో ద‌ర్శ‌న‌మిస్తున్నాయి. ఇటీవ‌ల కొంద‌రు అయితే స‌మంత ప‌రిస్థితి క్రిటికల్‌గా ఉంద‌ని కూడా అన్నారు. దానిపై ఇటీవ‌ల య‌శోద ప్ర‌మోష‌న్స్ లో స్పందిస్తూ నేను ఇంకా చ‌నిపోలేదు. బ్ర‌తికే ఉన్నాను అని చెప్పుకొచ్చింది. ఇక తాజాగా స‌మంత హైదరాబాద్‌లోని ఓ ప్రైవేట్ హాస్పిటల్‌లో చికిత్స పొందుతున్నాని ప్ర‌చారం జ‌రిగింది. ఈ వార్తలు చూడగానే.. సమంత అభిమానులు కంగారు పడుతున్నారు. అయితే ఆమె మేనేజర్.. అలాంటిదేమీ లేదని తెలపడంతో.. హమ్మయ్యా అనుకుంటూ కాస్త ఊపిరి పీల్చుకుంటున్నారు.

‘ప్రస్తుతం సమంత ఇంట్లోనే ఆరోగ్యంగానే ఉన్నారు. ఎవరు పుట్టించారో తెలియదు కానీ.. వినిపిస్తున్న వార్తలు నిజం కాదు. దయచేసి ఎవరూ కంగారు పడకండి’’ అంటూ సమంత మేనేజర్ క్లారిటీ ఇచ్చిన‌ట్టు తెలుస్తుంది. అయితే సమంతకు బాగాలేదని సోషల్ మీడియాలో వైరల్ అవుతున్న వార్తలని చూసి.. ‘ఆమె త్వరగా కోలుకోవాలి’ అంటూ అభిమానులతో పాటు.. కొందరు సెలబ్రిటీలు కూడా ట్వీట్స్ చేయడంతో ప్ర‌స్తుతం స‌మంత పేరు ట్రెండింగ్‌లోకి వ‌చ్చేసింది. దీంతో స‌మంత మేనేజ‌ర్ క్లారిటీ ఇచ్చారు.

ఇక ఇదిలా ఉంటే సమంత కొద్ది రోజుల మందే అనారోగ్యంతో బాధపడుతున్న విషయం తెలిసిందే. మయో సైటిస్‌ అనే అరుదైన వ్యాధితో ఆమె బాధపడుతున్న‌ట్టు అక్టోబర్‌ చివరి వారంలో సమంత వెల్లడించింది. `యశోద` విడుదలకు ముందు ఈ విషయాన్ని చెప్పి కాస్త సింపథి కూడా కొట్టేసింది. ఈ క్ర‌మంలో యశోద చిత్రం మంచి విజ‌యం కూడా ద‌క్కించుకుంది. అయితే ఈ సినిమాలో ఆసుప‌త్రిని కించ‌ప‌రిచిన‌ట్టు కోర్ట్‌లో పిటీష‌న్ వేయ‌డంతో ఈ సినిమా ఓటీటీ రిలీజ్‌ ని ఆపాలంటూ సిటీ సివిల్ కోర్ట్ ఉత్తర్వులు జారీ చేసింది. డిసెంబర్‌ 19 వరకు తదుపరి విచారణ జరుపనున్నట్టు తెలిపింది. సినిమాలో సరోగసీ ఫెర్టిలిటీ సెంటర్ కి `ఈవా`అనే పేరు పెట్టి, అందులో అక్రమాలు జరుగుతున్నట్టుగా సినిమాలో చూపించారు.దీంతో వారు త‌మ ప్ర‌తిష్ట దెబ్బ తిన్న‌ట్టుగా ఫీలై కోర్ట్‌లో పిటీష‌న్ వేశారు.