Nara Lokesh : టీ తాగి డ‌బ్బులు ఇవ్వబోయిన లోకేష్.. వారి రియాక్ష‌న్ ఏంటంటే..!

Nara Lokesh : టీడీపీ జాతీయ ప్రధాన కార్యదర్శి నారా లోకేష్‌ చేపట్టిన యువగళం పాదయాత్ర సక్సెస్ ఫుల్‌గా సాగుతుంది. ప్రజాచైతన్యమే లక్ష్యంగా మొదలుపెట్టిన పాదయాత్ర సరిగ్గా రాఖీ పౌర్ణమి రోజున 2700కి.మీ చేరుకుంది. దీంతో టీడీపీ శ్రేణులతో పాటు నారా, నందమూరి కుటుంబ సభ్యులు ఆయనతో పాదయాత్రలో పాల్గొన్నారు. అభినందనలు తెలిపారు. యువగళం పాదయాత్ర 200రోజులు పూర్తి కావడంతో నారా లోకేష్ తల్లి నారా భువనేశ్వరితో పాటు నారా కుటుంబ సభ్యులు, నందమూరి ఫ్యామిలీ మెంబర్స్ యువగళం పాదయాత్రలో ఆయనతో కలిసి నడిచారు. హీరో, లోకేష్ సోదరుడు నారా రోహిత్ సైతం ఈయువగళం పాదయాత్రలో అన్నతో అడుగులో అడుగు వేశాడు.

కొయ్యలగూడెంలోని గిరిజనులతో ముఖాముఖి సమావేశమయ్యారు. వాళ్లు ఎదుర్కొంటున్న సమస్యల్ని అడిగి తెలుసుకున్నారు. టీడీపీ అధికారంలోకి రాగానే సమస్యల్ని పరిష్కరిస్తామని భరోసా ఇచ్చారు లోకేష్. 200రోజులు 2700కిలో మీటర్లు పూర్తి చేసుకోవడం సంతోషంగా ఉందన్నారు. వైసీపీ ప్రభుత్వం కుట్రపూరితంగా వివిధ వర్గాలపై పెట్టిన అక్రమ కేసులను టీడీపీ అధికారంలోకి వచ్చిన ఏడాదిలోగా ఎత్తేస్తామని మాటిచ్చారు లోకేష్. గతంలో చెప్పినట్లుగా అక్క, చెల్లెళ్లు లేని తనకు లక్షలాది మంది ఆడపడుచులు ఉన్నారన్నట్లుగా లోకేష్ చేయ్యి రాఖీలతో నిండిపోయింది.

యువగళం పాదయాత్రలో ఆసక్తికరమైన సన్నివేశం చోటుచేసుకుంటున్నాయి. ఇటీవ‌ల‌ యువగళం పాదయాత్రలో అందరితో పాటు పసుపురంగు టీషర్టు వేసుకున్న ఒక బాలుడు పాల్గొనడాన్ని లోకేష్ గమనించారు. ఉత్సాహంగా యాత్రలో పాల్గొంటున్న ఆ బాలుడ్ని లోకేష్ దగ్గరకు తీసుకొని అప్యాయంగా పలకరించి కుశలప్రశ్నలు వేశారు. చదువుకునే చిన్న పిల్లలు ఇలా పార్టీ రాజకీయాల కార్యక్రమాల్లో పాల్గొనడం మంచిది కాదని లోకేష్ భావించారు. ఆపై ఆ బాలుడితో “ఇప్పుడే రాజకీయాలు వద్దురా. ముందు మంచిగా, బాగా చదువుకో ” అని వాడు వేసుకున్న టీషర్టు తీయించి నచ్చజెప్పి పంపించేశారు. ఇక ఇటీవ‌ల టీ తాగుతూ సంద‌డి చేశారు. టీ షాపు వారితో స‌ర‌దాగా ముచ్చ‌టిస్తూ జోకులు కూడా వేసారు. ఇక టీ తాగినందుకు డ‌బ్బులు కూడా ఇవ్వ‌బోయాడు. వారు మాత్రం నో అంటూ తెగ న‌వ్వేసారు.