Nara Brahmani : టీడీపీ ప‌గ్గాలు చేప‌ట్టేది నారా బ్రాహ్మ‌ణినేనా.. ప‌గ్గాలు చేప‌ట్ట‌బోయేది అప్పుడేనా..?

Nara Brahmani : ఏపీలో టీడీపీ అధినేత చంద్రబాబు అరెస్టు తర్వాత రాజకీయాలు వేగంగా మారుతున్నాయి. స్కిల్ స్కాంలో చంద్రబాబును అరెస్టు చేసిన సీఐడీ.. ఈ కేసులో ఆయన బయటపడినా అమరావతి ఇన్నర్ రింగ్ రోడ్డు అక్రమాలు, ఏపీ ఫైబర్ నెట్ స్కాం వంటి ఇతర కేసుల్లో ఆయన్ను అరెస్టు చేసి జైల్లోనే కొనసాగించేందుకు సిద్దమవుతోంది. అంతే కాదు చంద్రబాబు తనయుడు నారా లోకేష్ ను కూడా త్వరలో అరెస్టు చేస్తారన్న ప్రచారం ముమ్మరంగా సాగుతోంది.ఈ విష‌యంలో నిజ‌మెంత ఉందో తెలియ‌దు కాని, నందమూరి నారా వంశాలకు సంబంధించిన బ్రాహ్మ‌ణి టీడీపీని న‌డిపించ‌బోతుంద‌ని ప్ర‌చారం జ‌రుగుతుంది.

తెలుగుదేశం పార్టీకి ఊహించిన విధంగా పరిమాణాలు ఎదురయ్యాయి ఒకసారిగా చంద్రబాబు నాయుడు అరెస్ట్ ఆపై రిమాండ్ కొనసాగుతున్న నేపథ్యంలో ఆ పార్టీ ప్రభావం అంత ఆయన కొడుకు నారా లోకేష్ పై పడింది. పాదయాత్ర చేస్తున్న నారా లోకేష్ ఒక్కసారిగా పార్టీ భవిష్యత్తుపై దృష్టి పెట్టారు. అయితే ఆయ‌న అరెస్ట్ కూడా అరెస్ట్ జ‌రుగుతుంద‌న్న ప్ర‌చారం జ‌రుగుతున్న నేప‌థ్యంలో ప్రస్తుతం తెలుగుదేశం పార్టీని ఎవరు నడిపిస్తారు అన్నది ప్రశ్నార్థకంగా మారింది. ఇటువంటి తరుణంలో నందమూరి వారి అమ్మాయి నారావారి కోడలు అయిన నారా బ్రాహ్మణి ప్రస్తుతం కి రోల్ గా మారారు తన మామ చంద్రబాబు నాయుడు అరెస్టును ఖండిస్తూ మొట్టమొదటిసారిగా మీడియాతో మాట్లాడారు.

తనదైన శైలిలో అందరినీ ఆకట్టుకునే విధంగా అధికార పార్టీని ఎండగడుతూ ఆమె ప్రసంగించారు. ప్రస్తుత పరిస్థితుల్లో అవసరమైతే నారా బ్రాహ్మణి పార్టీని నడిపిస్తారు అన్నప్రచారాలు కూడా తెలుగు రాష్ట్రాల్లో జోరుగా జరుగుతున్నాయి. నందమూరి తారక రామారావు కొడుకు అయినా బాలకృష్ణ మరోపక్క ఆయన కుమార్తె నారా బ్రాహ్మణి ఇరువురు కూడా పార్టీ నడిపించేందుకు సిద్ధంగా ఉన్నట్లు తెలుస్తుంది. నిన్న జరిగిన అసెంబ్లీ సమావేశాల్లో సైతం బాలకృష్ణ తనదైన శైలిలో అధికార పార్టీపై మీసాలు తిప్పుతూ ఛాలెంజ్లు విసురుతూ. ఎక్కడా తగ్గేది లేదంటూ మీడియా ముఖంగా అధికార పార్టీకి హెచ్చరికల జారీ చేశారు. తండ్రి ఆ విధంగా ఉండగా ఇక్కడ కూతురు మరియు నారావారి కోడలు అయిన నారా బ్రాహ్మణి పార్టీలో విషయాలన్నీ లోతైన అన్వేషణతో అన్వేషిస్తున్నట్టు తెలుస్తుంది. తెరమీదకు యనమల రామకృష్ణుడు కనిపిస్తున్నప్పటికీ తెర వెనక నారా బ్రాహ్మణి మొత్తం చక్రం తిప్పుతున్నట్టు ఊహాగానాలు వెలువెత్తుతున్నాయి.