Jabardasth : తెలుగు చలనచిత్ర పరిశ్రమలో ఒకప్పుడు స్టార్ హీరోయిన్ గా క్రేజ్ అందుకుంది రోజా. అచ్చమైన తెలుగు అమ్మాయి ప్రస్తుతం ఆంధ్ర ప్రదేశ్ రాజకీయాలలో బిజీగా ఉన్న ఈమె జబర్దస్త్ షోలో కూడా కొన్నాళ్లు జడ్జిగా కొనసాగింది. అయితే నాగబాబుతో ఆమెకు షోలో విభేదాలు వచ్చినట్లు.. ఆ మధ్యలో రకరకాల వార్తలు వినిపించాయి. రోజా వల్లే నాగబాబు జబర్దస్త్ షోకు దూరమయ్యారని కామెంట్లు వినిపిస్తున్న క్రమంలో ఈ కామెంట్ల గురించి స్పందించారు రోజా క్లారిటీ కూడా ఇచ్చారు. నాగబాబుతో తనకు ఎలాంటి విభేదాలు లేవని, అయన్ని సోషల్ మీడియాల కావాలని పుట్టించిన పుకార్లంటూ కోట్టి పారేశారు.
నిర్మాతలను ఇబ్బంది పెట్టని హీరోయిన్ వి నువ్వు అంటూ నాగబాబు తనను బాగా గౌరవించేవారని రోజా ప‌లుమార్లు చెప్పుకొచ్చింది. నాగబాబు విషయంలో తాను కూడా చాలా గౌరవంగానే ఉన్నానని రోజా పేర్కొంది. జ‌బ‌ర్ధ‌స్త్‌కి దూరం కావ‌డం వెన‌క నాగబాబు ఉన్న‌ద‌న్న‌ది అవాస్తవం అంటూ కొంద‌రు కొట్టిప‌డేశారు. అయితే ప్రస్తుతం ఏపీ టూరిజం మంత్రిగా ఉన్న రోజా దాదాపు 10 సంవత్సరాలు జబర్థస్త్ జడ్జిలుగా షోను సూపర్ సక్సెస్ చేయడంతో కీ రోల్ పోషించారు నాగబాబు, రోజా. అయితే 2019 లో కొన్ని విబేధాల కారణంగా నాగబాబు షో నుంచి తప్పుకున్నారు.
మంత్రిగా బాధ్యతలు తీసుకున్న రోజా ఆ షో నుంచి బయటకు వచ్చారు. ప్రస్తుతం ఇంద్రజ, మనోతో పాటు కృష్ణభగవాన్ మరికొంత మంది గెస్ట్ లతో జబర్థస్త్ ను నడిపిస్తున్నారు. ఫైర్ బ్రాండ్ గా గుర్తింపు తెచ్చుకున్న ఈమె ప్రతిపక్ష నాయకులకు కౌంటర్లు వేయడంలో ముందుంటుంది. ముఖ్యంగా ప‌వ‌న్ క‌ళ్యాణ్‌, చంద్ర‌బాబుపై రోజా దారుణ‌మైన కామెంట్స్ చేస్తూ తెగ వార్త‌ల‌లో నిలుస్తుంటుంది. రోజా లేని జ‌బ‌ర్ధ‌స్త్ షోని కొంద‌రు లైక్ చేయ‌డం లేదు. ఆమె ఉన్న‌ప్పుడు ఆ మ‌జా నే వేరు అంటున్నారు. అయితే రోజా ఇటీవ‌ల జ‌గ‌న్ బ‌ర్త్ డే సంద‌ర్భంగా ఏర్పాటు చేసిన ప్ర‌త్యేక కార్య‌క్ర‌మాల‌లో తెగ సంద‌డి చేసి నానా ర‌చ్చ చేసింది.
