Jabardasth Rakesh : జ‌బ‌ర్ధ‌స్త్ షో ద్వారా పాపులారిటీ తెచ్చుకున్న క‌మెడీయ‌న్స్‌లో రాకింగ్ రాకేష్ కూడా ఒక‌రు. మొద‌ట్లో ఆయన ప‌లు టీంల‌లో పర్‌ఫార్మెన్స్ ఇవ్వ‌గా, అనంత‌రం కామెడీ పంచులు, డైలాగులతో టీం లీడర్‌గా ఎదిగిపోయాడు. ఇక జోర్దార్ సుజాతతో కలిసిన తర్వాత రాకేశ్‌ రేంజ్‌ అమాంతం పెరిగిపోయింది. జబర్దస్త్‌ వేదికపై ఈ జోడీకి ఎంతో ప్ర‌త్యేక‌మైన క్రేజ్ ఉంది. ఈ ఇద్ద‌రిని జ‌బ‌ర్ధ‌స్త్ షో క‌ల‌ప‌గా త్వ‌ర‌లో పెళ్లి పీట‌లు కూడా ఎక్క‌నున్నారు. అయితే రాకింగ్ రాకేష్ తాజాగా కెరీర్‌ ప్రారంభంలో తాను ఎదుర్కొన్న గడ్డు పరిస్థితులను గుర్తుతెచ్చుకుని ఎమోషనల్‌ అయ్యాడు.
సినిమా ఇండస్ట్రీలో అవకాశాల కోసం వరంగల్‌ వదిలి హైదరాబాద్ కి రాగా, దాదాపు . 11 ఏళ్ల పాటు ఎన్నో ఆఫీసులు తిరిగాను. ప్రారంభంలో కొన్ని మిమిక్రీ ప్రోగ్రామ్‌లు, ఈవెంట్లు చేసుకునేవాడిని. ఈవెంట్లు పూర్తయ్యాక పేమెంట్‌ ఇచ్చేదాకా వారి దగ్గర చేతులు కట్టుకుని నిలబడేవాళ్లం. కొంద‌రు అయితే సరిగ్గా చేయలేదంటూ రూ.500 ఇచ్చినా అదే మహాభాగ్యమని సరిపెట్టుకునేవాడిని. ధనరాజ్‌ అన్న నన్ను కామెడీ షోకి తీసుకెళ్లడంతో నా లైఫ్‌ టర్న్‌ తీసుకుంది. ఆయన వల్లే నేనిప్పుడు మీ ముందు ఇలా నిలబడ్డాను. ‘ప్రస్తుతం రేలంగి నరసింహారావు డైరెక్షన్‌లో హీరోగా ఓ సినిమా చేస్తున్నాను. ఇప్పుడు నాకు తగిన గుర్తింపు, డబ్బు ఉంది కానీ ఒకప్పుడు తినడానికి కూడా తిండి లేని పరిస్థితులు. ఒక్కోసారి అమ్మ పస్తులుండి మాకు అన్నం పెట్టేది.
జీవితంలో చాలా కష్టాలు ఎదుర్కొని, వాట‌న్నింటిని దాటుకుని ఇక్కడిదాకా వచ్చాను. అప్పుడప్పుడూ నేను శ్మశానానికి వెళ్లి అక్కడే పడుకుంటాను. ఎందుకంటే అక్కడే నాకు మానసిక ప్రశాంతత దొరుకుతుంది అంటూ రాకింగ్ రాకేష్ ఆస‌క్తిక‌ర వ్యాఖ్య‌లు చేశారు. ఇక త‌న ప్రేయ‌సి సుజాత విషయానికొస్తే.. పెళ్లంటే నాకు అసలు మంచి అభిప్రాయమే లేదు. అసలు పెళ్లి చేసుకోకూడదని అనుకున్నాను. అయితే పెళ్లి చేసుకోకపోతే ఇంట్లోంచి వెళ్లిపోతానని అమ్మ బెదిరించింది. ఎప్పుడైతే సుజాత పరిచయమైందో అప్పుడు నా అభిప్రాయం మారింది. ముందుగా ఆమే నన్ను ఇష్టపడింది. మా ఫ్యామీలీకి కూడా బాగా నచ్చ‌డంతో ఆమెను చేసుకునేందుకు సిద్ద‌మ‌య్యాను అని రాకింగ్ రాకేష్ స్ప‌ష్టం చేశాడు.
