OTT : ఈ వారం ఓటీటీల‌లో సంద‌డి చేయ‌నున్న సినిమాలివే..!

OTT : వీకెండ్ వచ్చిందటే చాలు ఓటీటీలో సినీ ప్రేక్షకులకు పండగే అని చెప్పాలి.. కొత్త కొత్త సినిమాలతో థియేటర్లు హౌస్ ఫుల్ అవుతూనే ఉంటాయి.. ప్రతీ వారం లాగానే ఈ వారం కూడా తెలుగు ఆడియన్స్ ను అలరించేందుకు పలు సినిమాలు సిద్దంగా ఉన్నాయి. విభిన్న‌మైన క‌థాంశాల‌తో కూడిన వెబ్‌సిరీస్‌లు ప్రేక్ష‌కుల్ని అల‌రించేందుకు సిద్ధం కాగా, మ‌రి ఈ వీకెండ్ లో ఓటీటీలో సంద‌డి చేయ‌నున్న సినిమాలేంటో ఇప్పుడు చూద్దాం.

విక్కీ కౌశ‌ల్‌, కియారా అద్వానీ ప్ర‌ధాన పాత్ర‌ల‌లో రూపొంద‌న గోవింద నామ్ మేరా చిత్రం ఇది డిసెంబర్ 16 నుండి డిస్నీ+ హాట్‌స్టార్‌లో ప్రసారం చేయడానికి అందుబాటులో ఉంటుంది. ఇక ఇండియన్ ప్రిడేటర్ అనే చిత్రం ఈ నెల 16 నుండి ప్లాట్‌ఫారమ్‌లో ప్రసారం కానుంది. ఇది బెంగుళూరులో జరిగిన దారుణ హత్య నేప‌థ్యంలో రూపొంద‌గా, ఈ చిత్రాన్ని నెట్ ఫ్లిక్స్‌లో స్ట్రీమ్ చేయ‌నున్నారు. ది రిక్రూట్ అనే చిత్రం కూడా డిసెంబ‌ర్ 16 నుండి స్ట్రీమింగ్ కానుంది. నెట్ ఫ్లిక్స్ ప్రధానంశంగా ఈ చిత్రం తెర‌కెక్క‌నుండ‌గా, సీఐఏలో ఒక న్యాయవాది ప్రమాదకరమైన అంతర్జాతీయ అధికార రాజకీయాలలో చిక్కుకోగా, దాని నుండి ఎలా బ‌య‌ట‌ప‌డార‌నేది సినిమా చూస్తే తెలుస్తుంది.

ప‌రిణితీ చోప్రా ప్ర‌ధాన పాత్ర‌లో తెర‌కెక్కిన చిత్రం కోడ్ నేమ్: తిరంగా. రిబు దాస్ గుప్తా తెర‌కెక్కించిన ఈ చిత్రం ఇంట్రెస్టింగ్ కాన్సెప్ట్‌తో రూపొందింది. ప్ర‌త్యేకమైన మిష‌న్‌పై గూడ‌ఛారి చేప‌ట్టిన ప్ర‌త్యేక త్యాగంకి సంబంధించి ఈ చిత్రాన్ని తెర‌కెక్కించారు. ఈ మూవీ కూడా డిసెంబ‌ర్ 16న నెట్ ఫ్లిక్స్ లో ఒటీటీలో విడుదల కానుంది. మ‌రి వీకెండ్‌లో ఈ సినిమాలు ఎంత సంద‌డి చేయ‌నున్నాయో చూడాల్సి ఉంది.