వీక్షకుల ఆదరణ బాగా ఉండడంతో ఓటీటీల్లో రిలీజయ్యే సినిమాల సంఖ్య కూడా రోజురోజుకు తెగ పెరిగిపోతుంది. ఆసక్తికర కంటెంట్‌తో సినిమాలు, సిరీస్‌లను రెడీ చేసేందుకు ఓటీటీ ప్లాట్‌ఫామ్‌లు సిద్ధమవుతున్నాయి. ఇక జనవరి మొదటి వారంలో కూడా పెద్ద సంఖ్యలో ఓటీటీ వీక్షకులను అలరించగా, ఇక ఈ వారం కూడా ప‌లు సినిమాలు ఓటీటీలో సంద‌డి చేసేందుకు సిద్ధ‌మ‌య్యాయి. ముందుగా ఉంచై చిత్రం జీ 5లో ప్రసారం కానుంది. అమితాబ్ బచ్చన్ మరియు ఇతరులు ప్రధాన పాత్రల్లో నటించిన ఈ హిందీ చిత్రం ప్రేక్ష‌కుల‌ని అల‌రించ‌నుంది.
ఇక తెలుగులో సూప‌ర్ హిట్ అయిన అడివి శేష్ నటించిన మిస్టరీ థ్రిల్లర్ చిత్రం తెలుగులో అమెజాన్ ప్రైమ్‌లో ప్రసారం అయ్యేందుకు సిద్ధ‌మైంది. శైలేష్ కొలను ద‌ర్శ‌క‌త్వం వ‌హించిన ఈ సినిమా పెద్ద విజ‌యం సాధించింది. థియేట్రికల్ విడుదల తర్వాత ఇది మంచి క‌లెక్ష‌న్స్ రాబ‌ట్ట‌గా ఇప్పుడు ఓటీటీలో విడుదల చేసేందుకు సిద్ధ‌మ‌య్యారు. ఇక నెట్ ఫ్లిక్స్ ఒరిజిన‌ల్ డాక్యుమెంట‌రీ ముంబై మాఫియా: పోలీస్ Vs అండర్ వ‌ర‌ల్డ్ కూడా ఓటీటీ సంద‌డికి సిద్ధ‌మైంది. సౌదీ వెల్లక్కా..విమర్శకుల ప్రశంసలు పొందిన మలయాళ భాషా థ్రిల్లర్ డ్రామా ఇప్పుడు సోనీ లివ్‌లో స్ట్రీమింగ్ కోసం అందుబాటులో ఉంది.
గట్ట కుస్తి… ఈ చిత్రం ఓటీటీలో మంచి సమీక్షలను అందుకుంది. ఇప్పుడు నెట్‌ఫ్లిక్స్‌లో తమిళం మరియు తెలుగులో ప్రసారం చేయబడుతుంది.ఇలా ప‌లు చిత్రాలు ఓటీటీలో సంద‌డి చేసేందుకు సిద్ధం కాగా, మ‌రి కొన్ని చిత్రాలు థియేట‌ర్‌లో వినోదం పంచేందుకు సిద్ధ‌మ‌య్యాయి. సంక్రాంతికి ప‌లు పెద్ద సినిమాలు విడుదల కానున్న నేప‌థ్యంలో ఈ వారం చిన్న సినిమాలు, చిత్రాలు సంద‌డి చేసేందుకు రెడీగా ఉన్నాయి.
