Samantha : ఒక‌ప్పుడు ఎంతో సంతోషంగా, చ‌లాకీగా ఉండే సమంత ఇప్పుడు ఎలాంటి ప‌రిస్థితుల‌లో ఉందో ప్ర‌తి ఒక్క‌రికి తెలిసిందే. చైతూ నుండి విడిపోయిన బాధ ఒక‌వైపు మ‌యోసైటిస్ వేధిస్తుండ‌డం మ‌రోవైపు. వీటి వ‌ల‌న సమంత చాలా కుంగిపోయింది. అయితే ఎన్ని బాధ‌ల‌లో ఉన్నా కూడా సమంత తన కర్తవ్యాన్ని వీడటం లేదు. తాను ఇచ్చిన మాటకు, పూర్తి చేయాల్సిన సినిమాల పనులను ఎంతో కష్టపడి పూర్తి చేసేస్తోంది. మయోసైటిస్‌తో సమంత బాధపడుతున్నా కూడా యశోద సినిమా కోసం బెడ్డు మీద నుంచే డబ్బింగ్ చెప్పింది ఆశ్చ‌ర్య‌ప‌ర‌చింది సమంత. ఇక ఇప్పుడు శాకుంతలం సినిమా కోసం సైతం సమంత డబ్బింగ్ చెప్పేస్తోంది.
బెడ్డు మీద పడుకుని శాకుంతలం సినిమాకి సమంత డబ్బింగ్ చెప్పేస్తోంది. అసలు సమంత తన మొహాన్ని మాత్రం చూపించడం లేదు. మొహం మీదైనా ఏమైనా మార్పులు వచ్చాయా? లేదా? అన్నది తెలియడం లేదు. కానీ సమంత ఇప్పుడు శాకుంతలం సినిమా డబ్బింగ్ పనులతో బిజీగా ఉంది. ఈ విషయాన్ని అభిమానులతో పంచుకున్న సామ్‌ ఓ ఆసక్తికరమైన కొటేషన్‌ను కూడా రాసుకొచ్చింది. డబ్బింగ్ స్టూడియోలో తీసిన ఫొటోను పోస్ట్ చేసిన సమంత..’ఎన్ని బాధలు వచ్చినా, ఎంత నష్టపోయినా, ఈ ప్రపంచం మనల్ని వదిలేసినా మ‌న‌కు తోడుగా ఉండేది కళ ఒక్క‌టి మాత్రమే . కళ మాత్రమే అన్ని సమస్యలకు పరిష్కారం’ అనే కొటేషన్‌ను రాసుకొచ్చింది సమంత.
సామ్‌ చేసిన పోస్ట్ నెట్టింట వైరల్ అవుతోంది. సమంత ప్రస్తుతం ఎదుర్కొంటున్న సమస్యలను ప్రస్తావించినట్లున్న పోస్ట్ ఆసక్తికరంగా మారింది. ఇటీవ‌ల విడుద‌లైన యశోద సినిమా మంచి హిట్ కాగా, గుణ శేఖర్‌ దర్శకత్వంలో తెరకెక్కిన శాకుతలం సినిమాను ఫిబ్రవర్‌ 17వ తేదీన విడుదల చేసేందుకు సన్నాహాలు చేస్తున్నారు. మహాభారతంలోని ఆదిపర్వంలో శకుంతల, దుష్యంతుల ప్రేమకథ ఆధారంగా ఈ సినిమాను అత్యంత ప్రతిష్టాత్మకంగా తెరకెక్కిస్తున్నారు. ఈ సినిమాలో సామ్‌ శంకుతలగా నటిస్తుండగా, దుష్కంతుడిగా దేవ్‌ మోహన్‌ కనిపించనున్నారు. ఈ చిత్రం కూడా స‌మంత‌కి మంచి విజ‌యం అందిస్తుంద‌ని భావిస్తున్నారు.
