Sonu Sood : రియల్ సోనూసూద్ పెద్ద‌గా వివాదాల జోలికి పోరు. ఎప్ప‌టిక‌ప్పుడు ఆయ‌న ప‌లు సేవా కార్య‌క్ర‌మాల‌తోనే ఎక్కువ‌గా వార్త‌ల‌లో నిలుస్తూ ఉంటారు. అయితే రియల్ హీరో సోను సూద్ కు రైల్వే శాఖ రీసెంట్‌గా వార్నింగ్ ఇచ్చింది. చాలామందికి రోల్ మోడల్ అయిన సోనూసూద్ ప్రమాదకరమైన చర్యలకు పాల్పడడం సరికాదని, గతంలో సోనూసూద్ కి సంబంధించిన రైల్లో ప్రయాణం చేస్తున్న ఒక వీడియోను ట్యాగ్ చేస్తూ ట్వీట్ చేసింది. దేశంలోని, ప్రపంచంలోని లక్షలాది మందికి రోల్ మోడల్ అయిన మీరు రైలు ఫుట్ బోర్డు పై ప్రయాణం చేయడం ప్రమాదకరమని, ఈ రకమైన వీడియో మీ అభిమానులకు తప్పుడు సందేశాన్ని ఇస్తుందని, దయచేసి ఇలా చేయకండి అంటూ రైల్వే శాఖ పేర్కొంది.
ప్రశాంతంగా సురక్షితమైన ప్రయాణాన్ని ఎంజాయ్ చేయండి అంటూ ఉత్తర రైల్వేశాఖ సోషల్ మీడియా వేదికగా తన ట్వీట్‌లో పేర్కొంది. సోనూసూద్ డిసెంబర్ 13న ఈ వీడియో షేర్ చేయ‌గా, దీనిపై ముంబై రైల్వే పోలీసు కమిషనరేట్‌ కూడా స్పందించింది. నిజజీవితంలో ఇలాంటి స్టంట్‌లు చేయొద్దంటూ సోనూసూద్‌కు సుతిమెత్తగా సూచించింది. ఇలా తనపై వస్తున్న విమర్శలపై సోనూసూద్ తాజాగా స్పందించారు. అందుకు క్షమాపణలు చెబుతూనే కీలక వ్యాఖ్యలు చేశారు. ‘నేను చూస్తూ అక్కడ అలా కూర్చుండిపోయాను. రైలు తలుపుల వద్దే మగ్గిపోతున్న లక్షలాది మంది పేదల జీవితాలు ఎలా ఉన్నాయో ఆలోచిస్తూ నేను అక్కడ కూర్చుకున్నాను.
మీరు సూచించిన సందేశానికి, రైల్వే వ్యవస్థ పనితీరును మెరుగుపరిచినందుకు ధన్యవాదాలు అంటూ సోనూసూద్ వినమ్రంగా ట్వీట్ చేస్తూ మరోసారి అభిమానుల మన్ననలు అందుకుంటున్నారు. కోవిడ్ సంక్షోభ కాలంలో తన సేవా కార్యక్రమాలతో దేశ ప్రజల మనసు గెలుచుకున్న నటుడు సోనూసూద్ నేటికీ వాటిని కొనసాగిస్తూ రియల్ హీరోగా అంద‌రి మెప్పు పొందుతున్నారు.
సోషల్ మీడియా ద్వారా కూడా ఎవ‌రు ఎప్పుడు ఎలాంటి సాయం కోరిన కూడా వెంట‌నే స్పందిస్తున్నారు.
