Meena : చైల్డ్ ఆర్టిస్ట్‌గా వెండితెర ఎంట్రీ ఇచ్చిన మీనా ఆ తర్వాత కాలంలో స్టార్ హీరోయిన్‌గా స‌త్తా చాటింది. ప్ర‌స్తుతం సపోర్టింగ్ క్యారెక్ట‌ర్స్ లో మెప్పిస్తుంది. మీనా 3 దశాబ్దాలకు పైగా సౌత్ సినీ ఇండస్ట్రీలో పాపులర్ హీరోయిన్‌గా కొనసాగుతోంది. 6 ఏళ్లకే సినీ రంగ ప్రవేశం చేసిన మీనా నటిగా 40 ఏళ్లు పూర్తి చేసుకోబోతుంది. తొలి సినిమాకే ప్రేక్షకుల మనసు గెలుచుకున్న మీనా.. ‘సీతారామయ్య మనవరాలు’ సినిమాతో మంచి క్రేజ్ తెచ్చుకుంది. ఆ తర్వాత వరుసగా అగ్ర హీరోలతో జోడీ కట్టి స్టార్ హీరోయిన్ గా గుర్తింపు తెచ్చుకుంది.
మీనా తెలుగుతో పాటు తమిళం, మలయాళం, కన్నడ, హిందీ భాషల్లోని స్టార్ హీరోలందరితో జోడీ కట్టింది. నటిగా మంచి ఫామ్ లో ఉన్నప్పుడు ప్రముఖ వ్యాపరవేత్త విద్యాసాగర్ ను వివాహం చేసుకోగా, ఈ దంప‌త‌లుకి ఒక పాప జ‌న్మించింది.. అంతా హ్యపీగా సాగుతుందనుకున్న సమయంలో గతేడాది మీనా భర్త విద్యాసాగర్ చనిపోయాడు. భర్త మరణంతో మీనా డిప్రెషన్ లోకి వెళ్లింది. ఇక ఇప్పుడిప్పుడే కాస్త కోలుకుంటున్న మీనా తిరిగి సినిమా షూటింగ్స్ లో పాల్గొంటుంది. అయితే గ‌త కొన్నాళ్లుగా మీనా రెండో పెళ్లికి సంబంధించి అనేక ప్ర‌చారాలు న‌డుస్తున్నాయి.
రెండో పెళ్లి గురించి మీడియాలో వస్తున్న వార్తలు మీనా దృష్టికి వెళ్ల‌గా, ద‌య‌చేసి తన జీవితంలో జరగబోయే అంశాలు గురించి కథలు, కథనాలు ప్రసారం చేయడం ఆపేయమని ఆమె రిక్వెస్ట్ చేశారు. అయినా సరే మీనా సాగర్ రెండో పెళ్లి చేసుకుంటున్నారని తమిళ మీడియా చెబుతోంది. పెళ్లి కథనాలు ఇంకా ఆగలేదు. తన కంటే వయసులో చిన్నోడితో, విడాకులు తీసుకున్న వ్యక్తితో మీనా రెండో పెళ్ళికి రెడీ అయ్యారని ఓ తమిళ యూట్యూబ్ మీడియా చెప్పుకొచ్చింది. ఇటీవల తన భార్యకు విడాకులు ఇచ్చిన యువ తమిళ కథానాయకుడు, మీనా పెళ్లి చేసుకోనున్నారని ఆ కథనం సారాంశం. ఈ రూమర్ విని సినిమా జనాలు నవ్వుకుంటున్నారు.
