Manchu Vishnu : త‌న తండ్రి క‌న్నా ఆ వ్య‌క్తి అంటేనే విష్ణుకు భ‌యం ఎక్కువ‌ట‌..!

Manchu Vishnu : టాలీవుడ్ ఇండ‌స్ట్రీలో మంచు ఫ్యామిలీకి చాలా ప్ర‌త్యేక‌మైన గుర్తింపు ఉంద‌నే విష‌యం తెలిసిందే. మోహ‌న్ బాబు త‌న కెరీర్‌లో ఎన్నో అద్భుతమైన సినిమ‌లు చేసి మంచి గుర్తింపు తెచ్చుకున్నాడు. ఆయ‌న త‌న‌యులు మాత్రం ఆ రేంజ్‌లో గుర్తింపు తెచ్చుకోలేక‌పోయారు. మంచు విష్ణు, మంచు మనోజ్ మాత్రం ఎన్నొ సినిమాలు చేసిన‌ప్ప‌టికీ పెద్ద‌గా మంచి స‌క్సెస్‌లు సాధించ‌లేక‌పోయారు. ఇక మంచు విష్ణు విష‌యానికి వ‌స్తే ఇటీవ‌లి కాలంలో ఆయ‌న చేసిన ఒక్క సినిమా కూడా హిట్ కాలేదు. 2003లో విడుదలైన విష్ణు చిత్రంతో హీరోగా లాంచ్ అయ్యాడు. మంచు విష్ణు కెరీర్లో ఢీ సూపర్ హిట్ గా ఉంది. జయాపజయాలతో సంబంధం లేకుండా వరుసగా చిత్రాలు చేస్తున్నారు. పాతిక చిత్రాలకు పైగా ఆయన నటించారు.

ఇక‌ 2009 మార్చి 1న ఆయన విరానికా రెడ్డి ని ప్రేమ వివాహం చేసుకున్నాడు. మంచు విష్ణు-విరానికా రెడ్డిలకు నలుగురు సంతానం కాగా, వారిలో ఇద్దరు ట్విన్స్. 14 ఏళ్లుగా హ్యాపీ మ్యారీడ్ లైఫ్ అనుభవిస్తున్నారు. మ్యారేజ్ యానివర్సరీ నేపథ్యంలో మంచు విష్ణు ఆసక్తికర పోస్ట్ పెట్టారు. నాన్న మోహన్ బాబు కంటే కూడా నా భార్య అంటేనే భయం… అంటూ కామెంట్ పెట్టాడు. ఈ పోస్ట్ వైరల్ కాగా ఫ్యాన్స్ పెళ్లిరోజు శుభాకాంక్షలు తెలియజేస్తున్నారు. ఇక విరానికా రెడ్డి ఏపీ సీఎం వైఎస్ జగన్ సొంత చెల్లెలు. ఆయన బాబాయి కుమార్తె. రాజారెడ్డి చివరి కొడుకైన సుధాకరెడ్డి కూతురే విరానికా రెడ్డి.

మంచు విష్ణు దంప‌తుల‌కి న‌లుగురు పిల్ల‌లు జ‌న్మించ‌గా, 2011లో కవల ఆడపిల్లలు జన్మించారు. వీరికి అరియానా, వివియానా అని నామకరణం చేశారు. ఆ తరవాత 2018లో కొడుకు అవ్‌రామ్ భక్త పుట్టాడు. ఇక 2019 ఆగస్టులో పాప ఐరా జన్మించింది. ఇక మంచు విష్ణు మా’ అధ్యక్షుడిగా, మరోవైపు తండ్రి స్థాపించిన విద్యా సంస్థలను చూసుకుంటూ బిజీగా ఉన్నారు. ఆయ‌న‌కు భార్య విరానికా తన వంతు సాయం అందిస్తున్నారు. ఫ్యాషన్ డిజైనర్‌ అయిన విరానికా ఒకవైపు ఆ రంగంలో రాణిస్తూనే మరోవైపు మావయ్య మోహన్ బాబు స్థాపించిన విద్యా సంస్థల్లోని న్యూయార్క్ అకాడమీ డైరెక్టర్‌గా బాధ్యతలు నిర్వ‌ర్తిస్తున్నారు.