Manchu Vishnu : తండ్రికి క‌ళ్లు చెదిరే గిఫ్ట్ ఇచ్చిన మంచు విష్ణు.. అదేంటంటే..?

Manchu Vishnu : ఇటీవ‌లి కాలంలో మంచు ఫ్యామిలీ ఏం చేసినా అది పెద్ద న్యూస్ అవుతుంది. ఈ మధ్యే మంచు మనోజ్.. తన అన్నయ్య విష్ణు గురించి సోషల్ మీడియాలో ఓ వీడియో పోస్ట్ చేయ‌గా, అది ఎంత ఎంత పెద్ద‌ రచ్చ అయిందో మనం చూశాం. విష్ణు ఒకరి ఇంటి మీదకు గొడవకు వెళ్లడం.. మనోజ్‌ తన గురించి సోష‌ల్ మీడియాలో కామెంట్స్‌ చేయడం.. దానిపై మోహన్‌ బాబు ఊహించ‌ని విధంగా స్పందించ‌డం తెగ వైరల్‌గా మారాయి. కట్‌ చేస్తే.. ఇవన్ని ఓ షో కోసమంటూ చేసిన ప్రకటన కూడా అంతే వైరలయ్యింది. అయితే వాళ్లు నిజంగానే గొడవపడ్డారా.. లేక షో కోసం చేస‌రా అనే దానిపై అయితే ఇప్ప‌టి వ‌ర‌కు క్లారిటీ లేదు.

మార్చి 19న మోహన్ బాబు పుట్టినరోజు వేడుకగా జర‌గ‌గా, ఆ రోజు మంచు విష్ణు తన తండ్రికి ఆ రోజు భారీ సర్ ప్రైజ్ ఇచ్చాడట. పుట్టినరోజు సందర్భంగా మోహన్ బాబుకు ఖరీదైన రేంజ్ రోవర్ ఆటోబయోగ్రఫీ SUVని విష్ణు గిఫ్ట్‌గా ఇచ్చాడని టాక్. ఈ కస్టమ్ మేడ్ రేంజ్ రోవర్ ఆటోబయోగ్రఫీ విలువ. రూ. 5.25 కోట్లు అని సమాచారం. మంచు ఫ్యామిలీ మాత్రం ఈ కారు స్పెసిఫికేషన్స్, వాల్యూ గురించి ఎక్కడా మాట్లాడింది లేదు. ఇప్పటివరకు మోహన్ బాబు.. కార్ కలెక్షన్‌లో ఆడి క్యూ7, రేంజ్ రోవర్ వోగ్, టయోటా ఫార్చ్యూనర్‌లు ఉండ‌గా, ఇప్పుడు ఈ కాస్ట్‌లీ కారు కూడా ఆ జాబితాలో చేరిందన్న విష‌యం ఆలస్యంగా వెలుగులోకి వ‌చ్చింది.

ఇక మోహ‌న్ బాబు ఇటీవ‌ల పెద్ద‌గా సినిమాలలో న‌టించింది లేదు. ఆయ‌న చేసిన చిత్రాల‌కి పెద్ద‌గా ఆద‌ర‌ణ ల‌భించ‌క‌పోవ‌డంతో కాస్త స్లో అయ్యారు. రీసెంట్‌గా మోహన్‌ బాబు శాకుంతలం సినిమా ద్వారా ప్రేక్షకుల ముందుకు వచ్చాడు. సమంత ‘శాకుంతలం’ సినిమాలో దుర్వాస మహర్షిగా మోహన్ బాబు కనిపించారు. ఇక మంచు మనోజ్ ఈ మధ్యే పెళ్లి చేసుకోవడంతో ప్రస్తుతం షూటింగ్‌లకు కాస్త విరామం ఇచ్చాడు. ప్ర‌స్తుతం ఆయ‌న చేతిలో రెండు క్రేజీ ప్రాజెక్టులు ఉన్నాయ‌ని తెలుస్తుంది. ఇక మంచు విష్ణు సినిమాల సంగ‌తైతే తెలీదు కాని రియాలిటీ షో చేయ‌బోతున్న‌ట్టు ఇటీవ‌ల హింట్ ఇచ్చాడు.