Manchu Manoj Wedding Video : మంచు మ‌నోజ్ పెళ్లి వీడియోకి అదిరిపోయే రెస్పాన్స్.. విష్ణుకి ఒకే ఫ్రేమ్ కేటాయించారుగా..!

Manchu Manoj Wedding Video : ఇటీవ‌ల మంచు ఫ్యామిలీ తెగ వార్త‌ల‌లో నిలుస్తూ వ‌స్తుంది. ముఖ్యంగా మంచు మ‌నోజ్ షేర్ చేసిన వీడియో ప్ర‌కంప‌న‌లు పుట్టించింది. ‘అన్నయ్య అరాచకం’ అంటూ మనోజ్ ఏకంగా ఓ వీడియోనే పోస్ట్ చేయ‌గా, మోహన్ బాబు చొరవతో తర్వాత ఆ వీడియో డిలీట్ అయింది.అయితే అన్నదమ్ముల మధ్య ఈ స్థాయిలో కోల్డ్ వార్ నడుస్తోంది కాబట్టే, ఆ వీడియోని మంచు మ‌నోజ్ అలా రిలీజ్ చేశాడ‌ని చెప్పుకొస్తున్నారు. అయితే మంచు మ‌నోజ్ ప్ర‌స్తుతం త‌న రెండో భార్య‌తో క‌లిసి స‌ర‌దాగా సంతోషంగా గ‌డుపుతున్నాడు. భూమా నాగిరెడ్డి కూతురు భూమా మౌనికా రెడ్డిని మ‌నోజ్ వివాహం చేసుకోగా, ఇరు కుటుంబ సభ్యులతో పాటు అత్యంత సన్నిహితులు సమక్షంలో వీరిపెళ్లి అంగరంగ వైభవంగా జరిగింది.

మంచు లక్ష్మీ ఈ వేడుక‌కి వేదిక కాగా, ఇటీవలే వెన్నెల కిషోర్‌ హోస్ట్‌గా చేస్తున్న అలా మొదలైంది ప్రోగ్రాంకు కూడా ఈ జంట వచ్చారు. దీనికి సంబంధించిన ప్రోమో ప్రేక్షకులను విపరీతంగా ఆకట్టుకుంటుంది. మనోజ్-మౌనికల వివాహనికి సంబంధించిన వీడియో యూట్యూబ్ ను షేక్ చేస్తోంది. పెళ్లి ప్రారంభం నుంచి ఎండింగ్ వరకు అంతా కలిపి, ఓ కవర్ సాంగ్ లాగా ‘ఏం మనసో ఏం మనసో’ అంటూ సాగే సాంగ్ విడుద‌ల చేశారు. అనంత శ్రీరామ్ ఈ పాటను రాయగా.. అచ్చు రాజమని పాడి, సంగీతం అందించాడు. ఇందులో పెళ్లికి సంబంధించిన కార్య‌క్ర‌మాల‌న్నీ చూపించారు.

హల్దీ ఫంక్షన్‌, రింగులు మార్చుకోవడం సహా పెళ్లికి సంబంధించిన ముఖ్యమైన ఘట్టాలను చూపించారు. ఈ వీడియోలో మోహన్‌బాబు, మౌనిక రెడ్డి కళ్లు తుడవడం. హత్తుకోవడం వంటివి కాస్త ఎమోషనల్‌గా క‌నిపించాయి.. ఇక వీడియో చివర్లో ఇది శివుని ఆజ్ఞ అంటూ మనోజ్‌, భూమా మౌనికారెడ్డి, ఆమె తనయుడి చేతులు ఒకరిపై ఒకరు వేసుకుని ఉండటం వీడియోకే హైలెట్‌గా నిలిచింది. ఇక ఈ వీడియోలో మంచు విష్ణుకు దక్కిన ప్రాధాన్యం గురించి చర్చకొచ్చింది. ఓ హీరోకు పెళ్లి వీడియోలో ఇచ్చిన రన్ టైమ్ ఇంతేనా అంటూ సోషల్ మీడియాలో సెటైర్లు పడుతున్నాయి.