Manchu Lakshmi : సోషల్ మీడియాలో మెగా – మంచు అభిమానుల మధ్య తరచుగా మాటల యుద్ధం జరుగుతూనే ఉంటుంది. రెండు ఫ్యామిలీలు సన్నిహితంగా ఉన్నప్పుడు అన్నీ బాగానే ఉన్నాయి కానీ.. మంచు విష్ణు ‘మా’ అధ్యక్షుడిగా విజయం సాధించిన తర్వాత మాత్రం ప‌రిస్థితులు పూర్తిగా మారాయి. మెగా వెర్సెస్ మంచు అనే విధంగా తయారయ్యాయి. అప్పటి నుంచీ ఎప్పుడూ ఏదొక విషయంపై ఇరు వర్గాలు ట్రోలింగ్ చేసుకుంటూ వస్తున్నారు. స‌న్ ఆఫ్ ఇండియా సినిమా ఫ్లాప్ అయిన‌ప్పుడు మెగా ఫ్యాన్స్ తెగ ట్రోలింగ్ చేయగా, ఆచార్య స‌క్సెస్ పొంద‌న‌ప్పుడు మంచు ఫ్యామిలీ అభిమానులు రెచ్చిపోయి విమ‌ర్శ‌లు చేశారు.
అయితే తాజాగా మెగాస్టార్ చిరంజీవి పాట‌కి మంచు ల‌క్ష్మీ స్టెప్పులు వేయ‌డం ప్రాధాన్య‌త సంత‌రించుకుంది. చిరంజీవి నటించిన మాస్ మూవీ ‘వాల్తేరు వీరయ్య’ సినిమా నుండి మాంచి ఊపున్న ‘బాస్ పార్టీ’ సాంగ్ రిలీజ్ చేశారు. సినీ సెలెబ్రిటీలు సైతం ఈ సాంగ్‌కి స్టెప్‌లు వేస్తున్నారు. తాజాగా నటి మంచు లక్ష్మి .. జబర్దస్త్ ఫేమ్ మహేష్‌తో కలిసి ఈ ‘బాస్ పార్టీ’ సాంగ్‌కి స్టెప్‌లు వేసింది. ఈ వీడియో ఇప్పుడు సోషల్ మీడియాలో వైరల్‌గా మారింది. దాంతో మంచు లక్ష్మి.. మెగాస్టార్ పాటలకి డ్యాన్స్ చేయడం ఎప్పుడూ సంతోషమే అంటూ చెప్పుకొచ్చింది. ఈ సినిమాలో చిరంజీవి సరసన హీరోయిన్ శృతి హాసన్ నటిస్తోంది. అలానే మాస్ మహరాజా రవితేజ కూడా ఓ కీలక పాత్ర చేశాడు.
బాబీ దర్శకత్వంలో తెరకెక్కిన వాల్తేరు వీరయ్య మూవీలో చిరంజీవి ఫుల్ మాస్ లుక్‌లో కనిపించ‌నున్నాడు. ఈ మేరకు పాటలు కూడా మాస్ ఆడియెన్స్‌ని ఆకట్టుకునేలా రూపొందించారు. ఇప్పటికే మూడు పాటలు విడుదల అవగా.. పాటలు అందర్నీ ఆకట్టుకుంటున్నాయి. ‘బాస్ పార్టీ’ సాంగ్ సాంగ్ లిరిక్స్ రిలీజ్ చేయగానే.. సోషల్ మీడియాలో విపరీతంగా ట్రోల్ చేశారు. కానీ ఈ ఐటెం సాంగ్‌లో బాలీవుడ్ హీరోయిన్ ఊర్వశి రౌతేలా డ్యాన్స్ చేయగా.. శేఖర్ మాస్టర్ కంపోజ్ చేసిన స్టెప్స్ అభిమానుల్ని కట్టిపడేయ‌డంతో ఈ పాట అంత‌టా ర‌చ్చ చేస్తుంది.
Always fun dancing to megastars’ songs. https://t.co/NeoX9jRuXC
— Manchu Lakshmi Prasanna (@LakshmiManchu) December 29, 2022
