Samantha : స్టార్ హీరోయిన్ సమంత న్యూ ఇయ‌ర్‌కి రెండు రోజుల ముందే విషెస్ తెలియ‌జేస్తూ ఆస‌క్తిక‌ర పోస్ట్ పెట్టింది.కొత్త సంవత్సరంలో అడుగుపెట్టనున్న తన అభిమానులకు, సినీ ప్రేక్షకులకు సూచ‌న చేస్తూ… కొత్త సంవత్సరంలో కొన్ని లక్ష్యాలను నిర్దేశించుకుని వాటిని ఛేదించేందుకు కృషి చేయాలని కోరారు. అదేసమయంలో కొత్త సంవత్సరంలోకి అడుగుపెట్టకముందే నిర్ణయాలు తీసుకోవాల్సిన సమయం ఆసన్నమైందని ఆమె తన ఇన్‌స్టా ఖాతాలో పోస్ట్ చేశారు. లక్ష్యాలను నిర్ధేశించుకునే సమయంలో సాధ్యాసాధ్యాలను గమనించుకోవాలని కూడా సమంత సూచించారు.
కొన్ని సులభమైన, మీరు చేయగలిగే లక్ష్యాలనే పెట్టుకోవాలని సూచిస్తూ, దేవుడు ఆశీస్సులు మీకెపుడూ ఉంటాలని తెలిపింది. కొత్త యేడాదిలో ముందస్తుగా మీకు శుభాకాంక్షలు అంటూ సమంత తన ఇన్‌స్టా ఖాతాలో పోస్ట్ చేశారు. ఆ దేవుడి ఆశీస్సులు మీకు ఎప్పుడూ ఉంటాయి. అడ్వాన్స్ హ్యాపీ న్యూ ఇయర్ 2023’ అంటూ పోస్ట్ చేసింది సమంత. దీనికి నవ్వుతున్న ఓ ఫోటోను కూడా జత చేసింది. ప్రస్తుతం సామ్ పోస్ట్ నెట్టింట వైరలవుతోంది. ఇది చూసిన నెటిజన్లు సామ్ పోస్ట్‌కు రిప్లై ఇస్తూ.. కొందరు న్యూ ఇయర్ శుభాకాంక్షలు చెప్పగా.. మరికొందరు తన ఆరోగ్యం గురించి ఆరా తీస్తూ కామెంట్లు చేస్తున్నారు.
సమంత ఇటీవల ఇటీవల ‘యశోద’ చిత్రంతో ప్రేక్షకులను అలరించిన విషయం తెలిసిందే. నవంబర్‌ 11న విడుదలైన ఈ చిత్రం విమర్శకుల నుంచి సైతం ప్రశంసలు అందుకుంది. కాగా, గత కొన్నిరోజులుగా మయోసైటిస్‌ అనే ఆటో ఇమ్యూనిటీ డిసీజ్‌తో బాధపడుతున్న సమంత.. యశోద రిలీజ్‌ తర్వాత సినిమాలకు కాస్త విరామం తీసుకుంది. ఇంట్లోనే చికిత్స తీసుకుంటూ మయోసైటిస్‌ నుంచి క్ర‌మ‌క్ర‌మంగా కోలుకుంటోంది. ఈ క్రమంలో గత కొన్ని రోజులుగా ఆమె సోషల్‌ మీడియాకు సైతం దూరంగా ఉంటూ వ‌స్తున్న సమంత న్యూ ఇయర్ శుభాకాంక్షలతో ఇన్‌స్టాగ్రామ్‌ ద్వారా అభిమానులకు పలకరించింది.
