OTT : ఇటీవలి కాలంలో సినీ ప్రేక్షకులు థియేట‌ర్స్‌లో క‌న్నా ఓటీటీలో విడుద‌ల‌య్యే సినిమాల కోసం ఎంతో ఆస‌క్తిగా ఎదురు చూస్తున్నారు. ఈ క్ర‌మంలో ఈ వారం ప్రేక్ష‌కుల‌ని ఏఏ సినిమాలు అల‌రించ‌నున్నాయో చూస్తే.. మ‌ళ‌యాళం బ్లాక్ బ‌స్ట‌ర్ మూవీ దృశ్యం 2 హిందీలో రీమేక్ కావ‌డంతో పాటు మంచి విజ‌యం సాధించింది అజ‌య్ దేవ‌గ‌న్‌ ప్ర‌ధాన పాత్ర పోషించిన చిత్రం అమెజాన్ ప్రైమ్ వీడియోలో పేప‌ర్ వ్యూస్ బేసిస్‌లో అందుబాటులోకి రానుంది. ఇక జాన్వీ క‌పూర్ మిలీ చిత్రం నెట్‌ఫ్లిక్స్ లో స్ట్రీమింగ్ కానుంది. ఈ సినిమాకి థియేట‌ర్స్‌లో మిక్స్ డ్ రివ్యూస్ వ‌చ్చాయి.
డీఎస్‌పీ తమిళ భాష‌కు చెందిన ఈ యాక్ష‌న్ థ్రిల్ల‌ర్ నెట్ ఫ్లిక్స్ లో అందుబాటులోకి రానుంది. విజ‌య్ సేతుప‌తి లీడ్ రోల్ పోషించిన ఈ చిత్రం తెలుగు, త‌మిళం, క‌న్న‌డ, మ‌ల‌యాళ భాష‌ల‌లో విడుద‌ల కానుంది. ఇక అనుప‌మ ప‌ర‌మేశ్వ‌రన్ బ‌ట‌ర్ ఫ్లై డిస్నీ ప్ల‌స్ హాట్ స్టార్‌లో స్ట్రీమింగ్ కానుంది. థ్రిల్ల‌ర్ మూవీగా ఈ చిత్రం రూపొందింది. ఆల్ఫోన్స్ పుత్రేన్ తెర‌కెక్కించిన మ‌ల‌యాళం యాక్ష‌న్ డ్రామా గోల్డ్ చిత్రం అమెజాన్ ప్రైమ్ వీడియోలో స్ట్రీమింగ్ కానుంది. తమిళ హీరో విష్ణు విశాల్ నటించిన రీసెంట్ మూవీ ‘గట్ట కుస్తీ’ తెలుగులో ‘మట్టి కుస్తీ’ పేరుతో రిలీజ్ చేశారు.
ఈ సినిమాను చెల్ల అయ్యవు డైరెక్ట్ చేయగా, స్పోర్ట్స్ నేపథ్యంలో ఈ సినిమా వచ్చింది. ఇక ఈ సినిమాలో విష్ణు విశాల్ మంచి నటనను కనబర్చగా, ప్రేక్షకులు ఈ సినిమాను బాగానే ఎంజాయ్ చేశారు. అయితే కమర్షియల్‌గా మాత్రం ఈ సినిమా తెలుగులో పెద్దగా సక్సెస్ కాలేదు. తే జనవరి 1న తమిళ వెర్షన్‌ను స్ట్రీమింగ్ చేస్తుండగా, తెలుగు వెర్షన్‌ను ఎప్పుడు స్ట్రీమింగ్ చేస్తారనే విషయంపై మాత్రం క్లారిటీ ఇవ్వలేదు.
