OTT : ఈ వారం ఓటీటీల‌లో సంద‌డి చేయ‌నున్న చిత్రాలు ఇవే..!

OTT : ఈ మ‌ధ్య థియేట‌ర్స్‌లో క‌న్నా ఓటీటీలో విడుద‌ల‌య్యే సినిమాల‌పై ప్రేక్ష‌కులు ఆస‌క్తి చూపుతున్నారు. గత రెండు వారాలు విడుదలైన సినిమాలు మంచి టాక్ సొంతం చేసుకుని ప్రేక్షకులను బాగా అలరించ‌డంతో ఈ వారం ఏయే సినిమాలు విడుద‌ల అవుతాయి అని ప్ర‌తి ఒక్క‌రు ఆస‌క్తిగా ఎదురు చూస్తున్నారు. ఈ క్ర‌మంలో ఈవారం కూడా ఓటీటీ, థియేటర్లో ప‌లు సినిమాలు విడుద‌ల అవుతున్నాయి. ఓటీటీ విష‌యానికి వ‌స్తే.. అమెజాన్ ప్రైమ్ వీడియో, నెట్‌ఫ్లిక్స్, జీ5, హాట్‌స్టార్, సోనీ లివ్ మరియు ఇతర ఒటీటీ ప్లాట్‌ఫారమ్‌లలో సంద‌డి నెల‌కొన‌నుంది.

ఫిఫా ప్రపంచకప్ ఈ నెల 20న ప్రారంభం కానుండ‌గా,దీనిని భార‌తీయులు జియో సినిమా యాప్‌లో వీక్షించ‌వ‌చ్చు. ఇక మలయాళ సూపర్ స్టార్ దుల్కర్ సల్మాన్ ప్రధాన పాత్రలో నటించిన మిస్టరీ థ్రిల్లర్ చుప్ చుప్. విమర్శకుల ప్రశంసలు అందుకున్న ఈ చిత్రం ఈ నెల 25 నుంచి జీ5లో ప్రసారం కానుంది. ఇక మీట్ క్యూట్ ఆంథాలజీ అనే చిత్రం నవంబర్ 25 నుండి సోనీ లివ్‌లో ప్రత్యేకంగా ప్రసారం చేయబడుతుంది. నాని సోదరి దీప్తి గంటా దర్శకత్వం వహించారు. ఈ చిత్రం మానవ భావోద్వేగాలపై ఆధారపడి ఉంటుంది.

కాంతారా ది కన్నడ బ్లాక్‌బస్టర్ భారీ పాన్ ఇండియన్ మూవీ ఈ నెల 24 నుండి అమెజాన్ ప్రైమ్ వీడియోలో ప్రసారం కానుంది. సైలెంట్‌గా వ‌చ్చి సెన్సేష‌న్ క్రియేట్ చేసిన ఈ సినిమా కోసం అంద‌రు ఆస‌క్తిగా ఎదురు చూస్తున్నారు. ఇక శివకార్తికేయన్ ప్రధాన పాత్రలో నటించిన చిత్రం ప్రిన్స్ . జాతి రత్నాలు ఫేం అనుదీప్ కెవి దర్శకత్వం వహించిన‌ ఈ చిత్రం నవంబర్ 25 నుండి డిస్నీ+ హాట్‌స్టార్‌లో ప్రసారం కానుంది. సినిమాల విష‌యానికి వ‌స్తే ఇట్లు మారేడుపల్లి ప్రజానీకం అనే సినిమా ఈనెల 25న థియేటర్లో విడుదల కానుంది.ఈ సినిమాకు ఏఆర్ మోహన్ దర్శకత్వం వహించాడు.ఇక ఈ సినిమా ప్రజల కోసం పోరాడి నాయకుడి కథతో రానుంది. అమర్ కౌశిక్ దర్శకత్వం వహించిన సినిమా భేడియా.ఇక ఈ సినిమా తెలుగులో తోడేలు పేరుతో 25న ప్రేక్షకుల ముందుకు రానుంది.