Kota Srinivasa Rao : కోట శ్రీనివాస‌రావు మృతి చెందాడంటూ వార్త‌లు.. అస‌లు నిజం ఏంటంటే..?

Kota Srinivasa Rao : ఇటీవ‌ల సోష‌ల్ మీడియాలో త‌ప్పుడు ప్ర‌చారాలు జ‌రుగుతుండ‌డం మ‌నం చూస్తూనే ఉన్నాం. బ్ర‌తికి ఉన్న వాళ్ల‌ని చంపేస్తూ అభిమానుల్లో గంద‌ర‌గోళం రేపుతున్నారు. పెరుగుతున్న టెక్నాలజీకి తోడు ఫేక్ న్యూస్‌ల హంగామా రెట్టింపవుతూ ఉన్న నేప‌థ్యంలో సోషల్ మీడియా వేదికగా ఎన్నో రకాల పుకార్లు పుట్టుకొస్తున్నాయి. ఈ క్రమంలోనే టాలీవుడ్ లో సీనియర్ నటుడైన కోట శ్రీనివాసరావు చనిపోయారంటూ సోషల్ మీడియాలో వార్తల ప్రవాహం షురూ అయింది. ఈ క్ర‌మంలో కోట ఓ వీడియో ద్వారా అస‌లు క్లారిటీ ఇచ్చారు. నేను బతికే ఉన్నాను.. చనిపోలేదంటూ స్వయంగా ప్రకటించుకున్నారు ప్రముఖ నటుడు కోట శ్రీనివాసరావు. ఆయన చనిపోయినట్లు సోషల్ మీడియాలో వార్తలు రావటంతో.. ఉదయం నుంచి ఫోన్లు వస్తున్నాయని.. 50, 60 కాల్స్ ను నేనే అటెండ్ చేశానంటూ ఆవేదన వ్యక్తం చేశారు.

మార్చి 21వ తేదీ మంగళవారం వీడియో రిలీజ్ చేసిన ఆయ‌న .. సోషల్ సోషల్ మీడియాలో వచ్చే వార్తలను నమ్మొద్దని అభిమానులను కోరారు. మనిషి ప్రాణాలతో ఆడుకోవద్దని.. తప్పుడు ప్రచారం చేస్తున్న వారిపై చర్యలు తీసుకోవాలని.. ఇలాంటి వాళ్లకు బుద్ధి చెప్పాలని కోరారు కోట శ్రీనివాసరావు. ఓ వైపు సినీ ఇండస్ట్రీలో వ‌రుస విషాదాలు నెల‌కొంటున్న త‌రుణంలో కోట శ్రీనివాసరావు మరణించారంటూ థంబ్ నెయిల్ కనిపించడంతో అంతా షాకయ్యారు. ఈ విషయం కోట వరకు వెళ్లడంతో ఆయన తన బాధను వ్యక్తం చేస్తూ ఓ వీడియో రిలీజ్ చేశారు.

మా మీద దయుంచి మీరే కాస్త ఇలాంటివి అరికట్టండి.. ఇది విని కాస్త పెద్దవాళ్లుంటే గుండె ఆగి చచ్చిపోతారని పోలీసులకు చెప్పాను. ఇలాంటి వదంతులు మీరు నమ్మొద్దని మనవి చేస్తున్నా. మిగతావాళ్లకు తెలియ జేయండి. ఇది చూసైనా వాళ్లకు బుద్ధి వస్తుంది. జీవితంలో డబ్బు సంపాదించడానికి చండాలపు పనులు బోలెడు ఉన్నాయి. ఇది అక్కర్లేదు. మనిషి ప్రాణాలతో ఆడుకోకూడదు. అంతే. నమస్కారం అని కోట శ్రీనివాసరావు అన్నారు.తెలుగు తెరపై కోట శ్రీనివాస‌రావుకు ప్రత్యేకమైన స్థానం ఉంది. ఎన్నో విలక్షణ పాత్రలు పోషించి అలరించిన ఆయన పలు అవార్డ్స్ అందుకున్నారు. విల‌న్‌గా, క‌మెడియ‌న్‌గా, క్యారెక్ట‌ర్ ఆర్టిస్ట్‌గా కోట చేసిన ఎన్నో పాత్రలు ప్రేక్షకుల మెప్పు పొందారు.