ఇందులో ఉన్న చిన్నారులు ఇద్ద‌రు ఇప్పుడు స్టార్ హీరోయిన్స్.. వారెవ‌రో గుర్తు ప‌ట్టండి..!

ఇటీవ‌లి కాలంలో సెల‌బ్రిటీల చిన్ననాటి పిక్స్ సోష‌ల్ మీడియాలో తెగ హ‌ల్‌చ‌ల్ చేస్తున్నాయి. హీరోలు, హీరోయిన్స్ పిక్స్ అభిమానుల మ‌తులు పోగొడుతున్నాయి.ఒక హీరోయిన్ చిన్న‌ప్ప‌టి పిక్ క‌నిపిస్తేనే అభిమానులు పిచ్చెక్కిన‌ట్టు ఊగిపోతుంటారు. అలాంటిది ఇద్ద‌రు భామ‌ల చిన్న‌ప్ప‌టి పిక్స్ ఒకే ఫ్రేములో క‌నిపిస్తే ఆ ఆనందం ఏ రేంజ్‌లో ఉంటుందో ప్ర‌త్యేకంగా చెప్ప‌న‌క్క‌ర్లేదు.తాజాగా స్టార్ హీరోలతో జోడీ కడుతూ పాన్ ఇండియా హీరోయిన్ అయిపోయిన ఓ హీరోయిన్, మరో బ్యూటీ సొంతభాషలో హిట్స్ కొడుతూ దుసుకుపోతున్న హీరోయిన్ చిన్న‌ప్పుడు క‌లిసి క‌ట్టుగా ఫొటో దిగ‌గా, ఒకే ఫ్రేములో క‌లిసి క‌నిపిస్తున్న ఈ జంట చూసి ఎవ‌రా అని ఆశ్చ‌ర్య‌పోతున్నారు.

ఫొటోలో కనిపిస్తున్న ఇద్ద‌రు చిన్నారుల‌లో నిలుచున్న పాప కీర్తి సురేష్, కూర్చున్న అమ్మాయి కల్యాణి ప్రియదర్శన్. కేరళలో పుట్టి పెరిగిన ఈ ఇద్దరూ తెలుగు సినిమాలతోనే హీరోయిన్ గా ఎంట్రీ ఇచ్చి మంచి విజ‌యాలు అందుకున్నారు.. ‘నేను శైలజ’ కీర్తి హిట్ కొట్టగా.. అఖిల్ ‘హలో’తో కల్యాణి టాలీవుడ్ లోకి పరిచయమైంది. కీర్తి, కల్యాణి.. ఇద్దరి తల్లిదండ్రులు కూడా సినిమా ఇండస్ట్రీకి చెందినవాళ్లే కావ‌డంతో వీరికి సినిమాలు అవ‌కాశాలు ఈజీగా వ‌చ్చాయి. వీళ్లకు చిన్నప్పటినుంచే పరిచయం ఉండ‌గా,ఆ రిలేష‌న్ ఇప్పటికీ కొనసాగుతూనే ఉంది. అప్పుడప్పుడు సోషల్ మీడియాలో ఫొటోలు పోస్ట్ చేస్తూ ఉంటారు.

‘మహానటి’ సినిమాతో కీర్తి సురేష్ క్రేజ్ అమాంతం పెరిగిపోగా, ఇప్ప‌టి వ‌ర‌కు ప‌లువురు స్టార్ హీరోల‌తో క‌లిసి సినిమాలు చేసింది. తాజాగా వచ్చిన ‘దసరా’తో పాన్ ఇండియా హిట్ కొట్టేసింది. ప్రస్తుతం ఈమె మెగాస్టార్ చిరంజీవితో భోళా శంకర్ సినిమాలో చిరంజీవి చెల్లెలుగా నటిస్తోంది. కళ్యాణి ప్రియదర్శన్ మాత్రం స్లోగా సినిమాలు చేస్తోంది. ‘హలో’తో తెలుగులోకి ఎంట్రీ ఇచ్చిన ఈ ముద్దుగుమ్మ ప్రస్తుతం మలయాళంలో నటిస్తూ బిజీగా ఉంది కీర్తి సురేష్ కెరీర్ బాగానే ఉన్న‌ప్ప‌టికీ, క‌ళ్యాణి మాత్రం ఇంకా కెరియ‌ర్‌లో ఎద‌గాల్సి ఉంది.