కాంతారాకు పెట్టింది రూ.16 కోట్లు.. ఇప్ప‌టి వ‌ర‌కు వ‌చ్చింది ఎంతో తెలిస్తే.. దిమ్మ‌తిరిగిపోతుంది..

రిషబ్ శెట్టి దర్శకత్వం వహించి, నటించిన కన్నడ బ్లాక్‌బస్టర్ కాంతారా విమర్శకుల ప్రశంసలు అందుకుంది. ఒక్కోసారి ఫిల్మ్ ఇండస్ట్రీలో కొన్ని అద్భుతాలు జరిగిపోతుంటాయి. అలాంటి అద్భుతమైన వాటిలో ముందుగా చెప్పుకోవాల్సింది కార్తికేయ 2, ఆ తర్వాత కన్నడలో కాంతారా. చినుకు చినుకు గాలి వాన అయినట్టు.. కన్నడలో చిన్న సినిమాగా మొదలైన కాంతారా ప్రభంజనం ఇపుడు తెలుగుతో పాటు ఉత్తారాది ప్రేక్షకులను కూడా ఫిదా చేస్తోంది. అక్కడ ఈ సినిమాకు అదిరిపోయే రెస్పాన్స్ వస్తుంది. ఇక ఈ సినిమా బాక్సాఫీస్ కలెక్షన్స్ విషయానికొస్తే..

తెలుగులో కాంతార రూ. 2 కోట్ల ప్రీ రిలీజ్ బిజినెస్ చేసింది. ఇప్పటి 2.30 కోట్ల బ్రేక్ ఈవెన్ టార్గెట్‌తో బరిలో దిగిన ఈ సినిమా ఇప్పటి వరకు రూ. 16.51 కోట్ల రాబట్టింది. మొత్తంగా రూ. 14.21 కోట్ల లాభాలను సంపాదించింది. అంటే పెట్టిన పెట్టుబడికి నాలుగింతలు లాభాలను తీసుకొచ్చింది. ఇంకా ఈ చిత్రం ముందు ముందు ఎలాంటి సంచలనాలు సృష్టిస్తుందో చూడాలి. ఇక హిందీలో ఈ చిత్రం ఇప్పటి వరకు రూ. 31.70 కోట్ల వసూళ్లను రాబట్టి అక్కడ కూడా సత్తా చాటుతోంది. 16 కోట్లు పెట్టి తీసిన సినిమా ఓవరాల్‌గా రూ. 200 కోట్ల గ్రాస్ వసూళ్లతో సత్తా చాటుతోంది. రిషబ్ శెట్టి పేరు కాంతారాతో దేశవ్యాప్తంగా మారు మోగిపోతూనే ఉంది.

కాంతార ది లెజెండ్ అంటూ కర్ణాటకలో జరిగిన నిజ జీవిత ఘటనల ఆధారంగా ఈ సినిమాను తెరకెక్కించారు. ముఖ్యంగా అక్కడ జానపద కళ మన దగ్గర భూత కోలం (సిగమూగే) ను ఎంతో చక్కగా తెరపై ఆవిష్కరించాడు. ఈ సినిమా షూట్ రిషబ్ శెట్టి వాళ్ల సొంత ఊర్లో జరపడం విశేషం. కాంతార సినిమాను కేజీయఫ్ వంటి పాన్ ఇండియా హిట్ చిత్రాన్ని నిర్మించిన విజయ్ కిరగందూర్ హోంబలే ఫిలింస్ లో నిర్మించారు. సినిమా బడ్జెట్ అనుకున్న దానికంటే ఎక్కువ అయిందని రిషబ్ శెట్టి ఓ ఇంటర్వ్యూలో వెల్లడించాడు. ఈ చిత్రం కన్నడ వెర్షన్ సెప్టెంబర్ 30న విడుదలై సంచలనం సృష్టించింది.