Kannababu : ఇదేమీ స‌మ‌ర‌సింహారెడ్డి సినిమా కాదు.. బాల‌కృష్ణ‌, లోకేష్‌ల‌కి క‌న్న‌బాబు కౌంట‌ర్..

Kannababu : స్కిల్‌ డవలెప్‌మెంట్‌ కేసులో చంద్రబాబుకు జైలు శిక్ష ప‌డిన విష‌యం తెలిసిందే. అయితే చంద్ర‌బాబుని సీఎం జగనే అక్రమంగా జైలుకు పంపించినట్లు టీడీపీ తన అనుకూల మీడియాతో దుష్ప్రచారం చేస్తున్నారని ఎమ్మెల్యే కురసాల కన్నబాబు విమర్శించారు. స్కిల్‌ డవలెప్‌మెంట్‌ స్కామ్‌పై కేంద్ర దర్యాప్తు సంస్థ దర్యాప్తు చేసి రూ.371 కోట్లు అవినీతి జరిగిందని ఇందుకు బాధ్యులుగా ఇప్పటికే ఏడుగురిని అరెస్ట్‌ చేసిందన్నారు. ఢిల్లీ నుంచి వచ్చిన ప్రముఖ లాయర్‌ ఏమీ చేయలేకపోయారన్నారు. చట్టం చంద్రబాబుకు చుట్టం కాదని అర్థమైందన్నారు.

ఇనాళ్ళు పెట్రేగిపోయిన చంద్రబాబు…తన పాపం పండటంతో ప్రస్తుతం జైలులో ఉన్నారని మాజీ మంత్రి కురసాల కన్నబాబు అన్నారు. ఏ ఇనిస్టిట్యూట్, ట్రైనింగ్ సెంటర్ లేకుండానే స్కిల్‌ డెవలప్‌మెంట్‌లో చంద్రబాబు 371కోట్లు లాగేశారని ఆరోపించారు. చట్టం చంద్రబాబుకు చుట్టం కాదని…చంద్రబాబుకు అన్యాయం జరిగిందని ప్రజలు ఎవ్వరూ అనుకోవడం లేదని కురసాల కన్నబాబు అన్నారు. చంద్ర‌బాబు అరెస్ట్‌తో వాళ్లు బాధ‌ప‌డ‌డం లేదు. ఈ సింప‌తీ వ‌ల‌న వాళ్లు గెలుస్తార‌ని వారు న‌మ్ముతున్నారు. 14 ఏళ్లు ముఖ్య‌మంత్రిగా చేసిన వ్య‌క్తికి రాజ‌మండ్రి సెంట్ర‌ల్ జైలులో భ‌ద్ర‌త ఉందా లేదో తెలియ‌దా అని కన్న‌బాబు అన్నారు.

దీనిని రాజ‌కీయ క‌క్ష అని చంద్ర‌బాబు కుటుంబ స‌భ్యులు మాట్లాడుతూ జ‌నాల‌లోకి తిరుగుతామ‌ని అంటున్నారు. జ‌గ‌న్ గురించి చుల‌క‌న‌గా బాల‌కృష్ణ మాట్లాడుతున్నారు. ఇది సినిమా అంటుకున్నారేమో.. ఇది సినిమా కాదు. డైరెక్ష‌న్ యాక్షన్ చెబితే డైలాగులు చెప్ప‌డం, దానికి అంద‌రు క్లాప్ కొట్టడం సినిమాల‌లో సాగింది. కాని ఇది రాజ‌కీయం. మీరు చెప్పిన‌ట్టు ఉండదు. జ‌గ‌న్‌కే వార్నింగ్ ఇస్తాడా అని క‌న్న‌బాబు మండిప‌డ్డారు. త‌ప్పు చేసిన వారికి శిక్ష ప‌డాల్సిందే. చ‌ట్టం ముందు అంద‌రు స‌మానులే అంటూ కన్న‌బాబు అన్నారు. కాగా, నేనున్నా.. నేనొస్తున్నా.. మీకోసం నేను నిలబడతా’ అంటూ తెలుగు దేశం పార్టీ కార్యకర్తలకు నందమూరి బాలకృష్ణ అభయం ఇచ్చారు. ‘ఇలాంటివి టీడీపీ ఎన్నో చూసింది.. చంద్రబాబు కడిగిన ముత్యంలా బయటకు వస్తారు. ఒక్క ఛాన్స్ ఒక్క ఛాన్స్ అంటూ అధికారంలోకి వచ్చి.. లక్షల కోట్ల అప్పులు చేశారు. పాలన అంటే ఇదేనా..? అంటూ వైసీపీ ప్రభుత్వాన్ని నిలదీశారు బాలకృష్ణ.