Jr NTR Net Worth : కోట్లకు పడగలెత్తిన ఎన్టీఆర్.. ఎన్ని కోట్లు సంపాదించాడంటే..!

Jr NTR Net Worth : యంగ్ టైగ‌ర్ ఎన్టీఆర్ త‌క్కువ స‌మ‌యంలోనే పాన్ ఇండియా స్టార్‌గా మారాడు. జూనియర్ ఎన్టీఆర్ త్రిబుల్ ఆర్ లాంటి పాన్ ఇండియా బ్లాక్ బస్టర్ హిట్టుతో నేషనల్ వైడ్‌గా సూపర్ పాపులర్ అయిపోయాడు. వాస్తవంగా చెప్పాలంటే ఈ సినిమాకు ముందు వరకు ఎన్టీఆర్ రెమ్యూనరేషన్ చాలా తక్కువగా ఉండేది. ఒక్కో సినిమాకు రు. 30 కోట్లకు కాస్త అటు ఇటుగా మాత్రమే ఉండేది. అయితే ఎన్టీఆర్ ముందు నుంచి నిర్మాతల మనిషి.. నిర్మాతల శ్రేయస్సు కోసం ఇష్టం వచ్చినట్టు రెమ్యూనరేషన్ పెంచేందుకు పెద్ద‌గా ఇష్టపడేవాడు కాదు. టెంపర్ సినిమాకు ముందు వరకు ఎన్టీఆర్ ఒక్కో సినిమాకు రు. 12 నుంచి 15 కోట్ల రేంజ్ లో మాత్రమే రెమ్యున‌రేష‌న్‌ తీసుకునేవాడు జూనియర్.

టెంప‌ర్ త‌ర్వాత మ‌నోడికి వరుసగా ఐదు సూపర్ డూపర్ హిట్లు పడడంతో పాటు.. త్రిబుల్ ఆర్‌తో పాన్‌ ఇండియా బ్లాక్ బస్టర్ హిట్ కొట్టడంతో ఇప్పుడు రెమ్యూనరేషన్ కాస్త పెరిగింది. త్రిబుల్ ఆర్ సినిమా కోసమే ఏకంగా మూడు సంవత్సరాలు పాటు పనిచేశాడు. దీంతో రాజమౌళి నిర్మాత దానయ్యకు చెప్పి ఎన్టీఆర్‌కు రు. 45 కోట్ల రెమ్యూనరేషన్ ఇప్పించాడనే టాక్ న‌డుస్తుంది.. అయితే ఇప్పుడు కొరటాల శివ దర్శకత్వంలో ఎన్టీఆర్ నటించే సినిమా కోసం.. ఆ తర్వాత ప్రశాంత్ నీల్‌ దర్శకత్వంలో ఎన్టీఆర్ చేసే సినిమా కోసం భారీ స్థాయిలో రెమ్యూనరేషన్ అందుకుంటున్నట్టు ప్ర‌చారం జ‌రుగుతుంది. నివేదికల ప్రకారం ఎన్టీఆర్ నెట్ వర్త్ దాదాపు రూ. 450 కోట్లు అని తెలుస్తుంది.

ఆయ‌న ఆస్తుల విలువ చూస్తే.. తారక్ వద్ద రూ. 80 కోట్ల విలువైన ప్రైవేట్ జెట్ ఉంది. అలాగే హైదరాబాద్ లో రూ. 25 కోట్ల విలాసవంతమైన భవనం ఉందని అంటున్నారు. కోట్లకు వారసుడు అయినా తారక్ సింపుల్ జీవితాన్ని గడిపేందుకు ఇష్టపడుతుంటారు. కానీ ఆయనకు వాచేస్, కార్లు అంటే చాలా ఇష్టం. ఇప్పటివరకు తారక్ వద్ద ఖరీదైన వాచీలు, కార్లు చాలానే ఉన్నాయి. అతని వద్ద రిచర్డ్ మిల్లే వాచ్‌ ఉంది. దాని ధర రూ. 4 కోట్లు. రూ. 2.5 కోట్లు. విలువ ప‌లికే వాచ్ కూడా ఉంది. గతంలో పొలిటికల్ గా ఎంట్రీ ఇచ్చిన ఎన్టీఆర్ అభిమానులు మాత్రం రాజకీయాలపై మళ్ళీ ఎంట్రీ ఇవ్వాలని కోరుకుంటున్నారు. ఎన్టీఆర్ మాత్రం తనకు రాజకీయాలలోకి రావడం ఇష్టం లేదని తెలియజేస్తున్నారు.