Jayavani : దాని వ‌ల్ల నా కెరీర్ నాశ‌నం అయింది.. జ‌య‌వాణి కామెంట్స్ వైర‌ల్‌..

Jayavani : ఇటీవ‌ల కొంద‌రు మీడియా ముఖంగా సంచ‌ల‌న వ్యాఖ్య‌లు చేస్తూ వార్త‌ల‌లో నిలుస్తున్నారు. యమదొంగ, మర్యాద రామన్న‌, విక్రమార్కుడు, గుంటూర్ టాకీస్ వంటి సినిమాల‌ ద్వారా గుర్తింపు తెచ్చుకున్న జ‌య‌వాణి త‌న‌ని ఓ ద‌ర్శ‌కుడు మోసం చేశాడంటూ సంచ‌ల‌న వ్యాఖ్య‌లు చేసింది. కెరీర్‌లో ఎదురైన అనుభవాల గురించి చెప్పుకొస్తూ.. తనకు విలన్ పాత్రలు సినిమాల్లో ఎక్కువగా వచ్చాయని జయవాణి తెలిపారు. ఒకే తరహా పాత్రల్లో నటించడం తనకు ఇష్టం ఉండదని జయవాణి వెల్లడించారు. ఇండస్ట్రీకి వచ్చిన కొత్తలో అవకాశాల కోసం ప్రయత్నిస్తున్న సమయంలో నల్లగా ఉన్నావని చాలా మంది అవమానించారని చెప్పారు.

నటిగా సెట్ కానని అన్నారని.. కానీ తాను మాత్రం ఎలాగైనా ఇండస్ట్రీలోనే కొనసాగాలని చాలా కష్టపడ్డానని అన్నారు. ఇక ఓ డైరెక్ట‌ర్ అయితే సినిమా ఛాన్స్ ఇస్తాన‌ని పిలిచి ఫొటో షూట్ చేశాడ‌ట‌. అనంతరం దర్శకుడి నుంచి ఫోన్ కాల్ కూడా రాలేదని కానీ ఆ ఫోటో షూట్‌‌‌‌కి సంబంధించిన ఫోటోలు మాత్రం సోషల్ మీడియాలో లీక్ అయ్యాయని తెలిపింది. వెబ్‌‌సైట్‌‌లో ఆ ఫోటోలు పెట్టిన వ్యక్తి కూడా ఎవరో తెలియదని పేర్కొంది. అయితే అవి తన కెరీర్ కే మచ్చగా మిగిలాయని వాపోయింది జయవాణి.

అవకాశాల కోసం ఎన్నో విధాలుగా ప్రయత్నించా. చిన్న క్యారెక్టర్ ఇచ్చినా చేసేదాన్ని. వచ్చిన పాత్రకు నేను వంద శాతం న్యాయం చేశా. తమిళ సినిమాల్లో నటించేందుకు ఛాన్స్ ఉందని పిలిస్తే అక్కడి వెళ్లాను. మొదట్లో మదర్ క్యారెక్టర్ ఉందని స్క్రీన్ టెస్ట్ చేశారు. కానీ ఆ తరువాత తల్లి పాత్ర వద్దని వేరే క్యారెక్టర్ ఇచ్చారు. ఇప్పుడు బోల్డ్ క్యారెక్టర్లు వస్తున్నా చేయట్లేదు అంటూ స్ప‌ష్టం చేసింది జ‌య‌వాణి. విజయవాడలో జన్మించిన జయవాణి బీఏ వరకు చదివింది. చిన్నప్పటి నుంచి సినిమాలు అంటే పిచ్చి ఉండడంతో ఈ రంగంలోకి అడుగుపెట్టింది.