Jayaprakash Narayana : ప‌వ‌న్ క‌ళ్యాణ్ పిచ్చోడు కాదు.. ఈ సారి నా సపోర్ట్ ప‌వ‌న్‌కే అంటున్న జేపీ..

Jayaprakash Narayana : ఆంధ్రప్రదేశ్‌లో మ‌రి కొద్ది రోజుల‌లో ఎల‌క్ష‌న్స్ జ‌ర‌గ‌నున్నాయి. ఏ పార్టీ అధికారంలోకి వ‌స్తుంద‌ని లెక్క‌లు వేసుకుంటున్నారు. అయితే కొందరు త‌మ స‌ర్వేల‌తో ఏ పార్టీ అధికారంలోకి వ‌స్తుందా అని ఆలోచ‌న‌లు చేస్తున్నారు. ఈ క్ర‌మంలో జేపీ మాట్లాడుతూ.. ఏపీలో అరాచక పాలన కొనసాగుతోందని మండిపడ్డారు. వచ్చే అసెంబ్లీ ఎన్నికల్లో ఎన్డీఏ కూటమికి మద్దతు ఇస్తున్నామని బుధవారం నాడు ప్రకటించారు. ఆంధ్రప్రదేశ్ అసెంబ్లీ ఎన్నికల్లో తెలుగుదేశం పార్టీ, జనసేన, బీజేపీతో కలిసి బరిలోకి దిగుతామని జేపీ వివరించారు. ఆంధ్రప్రదేశ్‌లో రాజకీయ పరిస్థితులు మరింత దిగజారాయని జయప్రకాశ్ నారాయణ ఆందోళన వ్యక్తం చేశారు.

రాష్ట్రంలో కులాల మధ్య పోరాటం జరుగుతోందని వివరించారు. వైసీపీ వైపు రెడ్డి సామాజిక వర్గానికి చెందిన వారు ఉంటే, కమ్మ, కాపులు విపక్షాల వైపు ఉన్నారని పేర్కొన్నారు. సుపరిపాలన అంటే సంక్షేమం మాత్రమే కాదన్నారు. అభివృద్ధి చేస్తేనే మంచి పాలన ఇచ్చినట్టు అవుతుందని అభిప్రాయపడ్డారు. అప్పులు తీసుకొచ్చి సంక్షేమం కోసం ఖర్చు చేయడం సరికాదని జేపీ సూచించారు. సంక్షేమమే పాలన అనుకుంటే ఆ దేశం, రాష్ట్రం అధోగతి పాలు కావడం ఖాయం అని హెచ్చరించారు. నేటి బాలలే రేపటి పౌరులు అంటారు. పిల్లల భవిష్యత్ గురించి ఆలోచించాలని జయప్రకాశ్ నారాయణ సూచించారు. పేదరికం సమూలంగా వెళ్లిపోవాలని, అప్పుడే అభివృద్ధి జరుగుతోందని పేర్కొన్నారు.

గత ఐదేళ్లుగా ఎపీలో ఇటువంటి ఆర్ధిక ప్రగతి అంటూ లేకుండా పోయిందన్నారు. గతంలో ప్రపంచ వ్యాప్తంగా పేరు తెచ్చుకున్న ఏపీ, గత ఐదేళ్లుగా నిద్రాణంలోకి వెళ్లిపోయేలా పాలకులు చేశారన్నారు.ఎపీలో పెట్టుబడులు పెట్టేందుకు భయపడే పరిస్థితికి తెచ్చారన్నారు. అయితే దోపీడీ, లేదా సంక్షేమం ఇదా ప్రజా పాలన అంటే పేద రాష్ట్రం ఒరిస్సా కన్నా ఘోరంగా ఎపీలో పరిస్థితి తయారైందన్నారు. భవిష్యత్ తరాలకు మంచి చేసేవారు, ఉపాధి అవకాశాలు చూపే వారికే పట్టం కట్టండినీ ఆయన పిలుపునిచ్చారు. రాష్ట్రంలో కులాల గురించి ఎక్కువ ప్రస్తావన జరగడం విచారకరం అని జయప్రకాశ్ నారాయణ అభిప్రాయపడ్డారు. కులాలకు అతీతంగా పనిచేసే నేత లేరని పేర్కొన్నారు.