జ‌బ‌ర్ధ‌స్త్‌కి కొత్త యాంక‌ర్.. అందంలో అన‌సూయ‌, ర‌ష్మీలని మించి..

బుల్లితెర ప్రేక్ష‌కుల‌కి క‌డుపుబ్బ వినోదం పంచుతున్న షో జ‌బ‌ర్ధ‌స్త్‌. ఈ కార్య‌క్ర‌మం స‌క్సెస్ ఫుల్‌గా సాగుతుంది. తొమ్మిదేళ్లుగా టెలివిజన్‌ రంగంలో హవాను చూపిస్తోన్న ఈ కార్యక్రమం మంచి టీఆర్పీస్ ద‌క్కించుకుంటుంది. ఈ కార్యక్రమానికి పోటీగా ఎన్నో వచ్చినప్పటికీ అవన్నీ దీని ప్రభావానికి తట్టుకోలేక మధ్యలోనే ఆగిపోయాయి. అంతలా ప్రతి వారం సరికొత్త కంటెంట్‌తో జబర్ధస్త్ ప్రసారం అవుతోంది. ఇక ఈ షోకి కమెడీయ‌న్స్ కామెడీతో పాటు అన‌సూయ‌, ర‌ష్మీల గ్లామ‌ర్ కూడా చాలా ఇంపార్టెంట్. ఎప్ప‌టిక‌ప్పుడు వీరు స‌రికొత్త అందాల‌తో ప్రేక్ష‌కుల‌ని అలరిస్తూ వ‌స్తున్నారు. జబర్ధస్త్ ద్వారా ఎంతో మంది టాలెంట్ వెలుగులోకి వచ్చిన విషయం తెలిసిందే.

అదే సమయంలో ఈ షోకు జడ్జ్‌లుగా వ్యవహరించిన సీనియర్ హీరోయిన్ రోజా, మెగా బ్రదర్ నాగబాబు కూడా మరింతగా హైలైట్ అయ్యారు. ఇక, ఇందులో యాంకర్లుగా చేస్తున్న అనసూయ భరద్వాజ్, రష్మీ గౌతమ్‌ కెరీర్‌ ఎదుగుదలకు కూడా జబర్ధస్త్ షో ఓ రేంజ్‌లో బూస్టును ఇచ్చిందనే చెప్పుకోవాలి. ఇక ఈ షోలో కామెడీ డోసును పెంచేందుకు టీమ్ లీడర్లు అందరూ విశ్వ ప్రయత్నాలు చేస్తూ కొత్త కొత్త కంటెంట్‌తో ప్రేక్షకుల ముందుకు వస్తున్నారు. అదే సమయంలో షో నిర్వహకులు కూడా కొన్ని హంగులను జోడిస్తూ ప్రేక్షకులకు మజాను పంచే ప్రయత్నం చేస్తున్నారు. దీంతో షో మరింత సక్సెస్ అవుతోంది.

ఈటీవీలో ప్రసారం అవుతోన్న జబర్ధస్త్ షో ద్వారా కెరీర్‌ను ప్రారంభించిన అనసూయ.. సుదీర్ఘ కాలంగా అందులోనే సత్తా చాటుతూ వచ్చింది. కానీ ఈ అమ్మడు ఇటీవ‌ల ఈ షోకు గుడ్‌బై చెప్పేసింది. దీంతో అన‌సూయ స్థానంలో ర‌ష్మీ వ‌చ్చి చేరింది. జ‌బ‌ర్ధ‌స్త్‌, ఎక్స్‌ట్రా జ‌బ‌ర్ధ‌స్త్ రెండు కూడా ర‌ష్మీనే చేస్తుంది. అయితే నెక్స్ట్ ఎపిసోడ్ నుండి ర‌ష్మీ జబర్దస్త్ లో కనిపించదు. ఆమె ఎక్స్ట్రా జబర్దస్త్ కి మాత్రమే పరిమితం అవుతుంది. దానికి కారణం కొత్త యాంకర్ వచ్చేసింది. ఈ మేరకు అధికారిక ప్రకటన చేశారు. లేటెస్ట్ జబర్దస్త్ ప్రోమో ద్వారా నయా యాంకర్ ని పరిచయం చేశారు. ఆ యాంకర్ పేరు సౌమ్య రావు. త్త యాంకర్ కి జడ్జెస్ట్, కమెడియన్స్ గ్రాండ్ వెల్కమ్ చెప్పారు. అందంతో పాటు పంచ్‌ల‌తో కూడా అద‌ర‌గొట్టింది. నువ్వు యాంకరా? అని హైపర్ ఆది ఆమెని అనగా.. నువ్వు కమెడియన్ అయినప్పుడు నేను యాంకర్ కాదా అని పంచ్ వేసింది. మ‌రి కొత్త యాంక‌ర్ ఎంత‌గా ఆక‌ట్టుకుంటుందో చూడాలి.