Honey Rose : ప్రేమ‌, పెళ్లిపై హ‌నీ రోజ్ ఆసక్తిక‌ర‌మైన కామెంట్స్‌.. ఏమ‌న్న‌దంటే..?

Honey Rose : టాలీవుడ్ సీనియర్ స్టార్ హీరోల్లో ఒకరు నందమూరి బాలకృష్ణ కాగా, ఆయ‌న తాజాగా నటించిన చిత్రం. వీర సింహారెడ్డి. ఈ చిత్రం లో సెకండ్ హీరోయిన్ గా నటించిన మలయాళీ బ్యూటీ హనీ రోజ్ బొద్దుగా అందంగా ఉందంటూ తెలుగు అభిమానులు కూడా ఫిదా అయ్యారు. ఈ అమ్మ‌డు వీర‌సింహారెడ్డి సినిమాకి ముందు ప‌లు సినిమాల‌లో న‌టించ‌గా, పెద్ద‌గా పేరు ప్ర‌ఖ్యాత‌లు సంపాదించ‌లేదు. వీర‌సింహారెడ్డి చిత్రంతో ఈ అమ్మ‌డి పేరు మారుమ్రోగిపోతుంది. బాలకృష్ణ మరోసారి ఈమె తో నటించాలని కోరుకుంటున్నాడని ప్రచారం జ‌రుగుతుంది. అనీల్ రావిపూడి దర్శకత్వంలో బాలయ్య నటిస్తున్న సినిమా లో హనీ కీలక పాత్రలో కనిపించబోతుందనే వార్తలు వస్తున్నాయి.

మొన్న‌టి వ‌ర‌కు బొద్దుగా క‌నిపించిన ఈ భామ స్లిమ్‌గా క‌నిపించేందుకు కృషి చేస్తున్న‌ట్టు కూడా తెలుస్తుంది. అయితే హ‌నీరోజ్ ఇటీవ‌ల ఎక్కువ‌గా మాల్స్ ఓపెనింగ్‌కి వెళుతుంది. ఇక సోష‌ల్ మీడియాలోను తెగ సంద‌డి చేస్తుంది. తాజాగా హనీ రోజ్ హైదరాబాద్ లో జిస్మత్ మండీని ప్రారంభించారు.ఆ తర్వాత మీడియాతో మాట్లాడుతూ ఆసక్తికర విషయాలను ఆమె వెల్లడించారు. వీరసింహారెడ్డి మూవీలోని రోల్ కు ఫ్యాన్స్ నుంచి ఇండస్ట్రీ నుంచి ప్రశంసలు దక్కాయని ఆమె అన్నారు. బాలయ్యతో కలిసి నటించే ఛాన్స్ రావడంతో నా కల నిజమైందని చెప్పుకొచ్చింది.

ఇక 14 ఏళ్ల వయస్సులోనే తాను సినిమాల్లోకి వచ్చిన‌ట్టు చెప్పిన హ‌నీరోజ్.. వీరసింహారెడ్డి సినిమా కోసం నాకు కాల్ రావడంతో ఎంతో ఆశ్చ‌ర్య‌పోయిన‌ట్టు పేర్కొంది. .నా మీద ప్రేమ చూపిస్తున్న ఫ్యాన్స్ కు ధన్యవాదాలు అని ఆమె చెప్పుకొచ్చారు. పెళ్లి అంటే బాధ్యత అని అందుకే ప్రతి అంశంతో ప్రేమలో ఉన్నానంటూ హనీ రోజ్ విచిత్రమైన కామెంట్స్ చేసింది. మలయాళ నటి అయిన హనీ రోజ్ తెలుగులో చేసిన మొదటి చిత్రం ఆలయం కాగా, 2008లో ఈ చిత్రం విడుదలైంది. ఆ సినిమా ఆడకపోవడంతో హనీ రోజ్ గురించి తెలుగు ప్రేక్షకులకు తెలియకుండా పోయింది. 2014లో వరుణ్ సందేశ్ కి జంటగా ఈ వర్షం సాక్షిగా అనే చిత్రం చేశారు.