Sonu Sood : సోనూసూద్ భార్య, పిల్ల‌ల‌ని ఎప్పుడైనా చూశారా.. ఇంత పెద్ద పిల్లలు ఆయ‌న‌కు ఉన్నారా..?

Sonu Sood : రీల్ లైఫ్‌లో విలన్.. రియ‌ల్ లైఫ్‌లో హీరో ఎవ‌రు అంటే మ‌న‌కు ఠ‌క్కున సోనూసూద్ పేరు గుర్తుకు వ‌స్తుంది. క‌లియుగ క‌ర్ణుడిగా సోనూసూద్ ఎంతో మంది మ‌న‌సుల‌లో చెర‌గ‌ని ముద్ర వేసుకున్నారు. క‌రోనా టైం లో ఇతను చేసిన సేవలు గురించి ఎంత పొగిడినా తక్కువే. వలస కార్మికుల కోసం ప్రత్యేకంగా ట్రైన్, బస్, ఫ్లైట్ వంటివి ఏర్పాటు చేసి మరీ వాళ్ళను సొంత ఇళ్లకు, గ్రామాలకు చేర్చాడు. ఎంతో మందికి అన్నం పెట్టాడు. అంతేకాదు నిరుద్యోగులకు ఉపాధి కూడా కల్పించాడు. అప్పుడే కాదు ఇప్పుడు కూడా సోనూసూద్ సేవ‌లు కొన‌సాగుతూనే ఉన్నాయి.

సోనూసూద్ పేరు దేశ వ్యాప్తంగా మారుమ్రోగిపోతున్నా ఆయ‌న ఫ్యామిలీ గురించి ఎవ‌రికి పెద్ద‌గా తెలియ‌దు. సోనూసూద్ సతీమ‌ణి సోనాలి మ‌న తెలుగమ్మాయే. నాగ్ పూర్‌లో ఇంజనీరింగ్ చ‌దివే రోజుల్లో సోనూ సూద్ సోనాలిని కలిశారు. వీరు సెప్టెంబర్ 25, 1996 న వివాహం చేసుకున్నారు. వీరికి ఇద్దరు కుమారులు ఇషాంత్ మరియు అయాన్. సోనూ సూద్ కి అన్ని విధాలా భార్య సహకారం అందిస్తుందట. కష్ట సమయంలో ఎంతో తోడ్పాటును అందిస్తుంద‌ని సోనూసూద్ ప‌ల‌మార్లు చెప్పుకొచ్చారు.

రీసెంట్‌గా సోనూసూద్ త‌న ఫ్యామిలీతో క‌లిసి గణేష్ చ‌తుర్ధి వేడుక‌లు జ‌రుపుకున్నాడు. తన భార్య సోనాలి సూద్, వారి కుమారులు అయాన్ మరియు ఇషాంత్ సూద్‌లతో కలిసి ఈ వేడ‌క జ‌రుపుకోగా, అందుకు సంబంధించిన ఫొటోలు నెట్టింట హ‌ల్‌చ‌ల్ చేస్తున్నాయి. సోనూసూద్ ఫ్యామిలీ పిక్ అయితే నెట్టింట వైర‌ల్‌గా మారింది. పిల్ల‌ల‌ని చూసి ఇంత పెద్ద పిల్ల‌లు సోనూకి ఉన్నారా అని కొంద‌రు కామెంట్స్ పెడుతున్నారు. ప్రతి సంవత్సరంలాగే సోనూ సూద్ ఫ్యామిలీ గ‌ణేషుడికి స్వాగతం పలికారు.