Samantha : స‌మంత సంపాద‌న ఎంత‌.. ఆమె సంపాదించిందంతా ఏం చేస్తుందో తెలుసా..?

Samantha : టాలీవుడ్ స్టార్ హీరోయిన్స్‌లో స‌మంత ఒక‌రు అనే విష‌యం తెలిసిందే. పెళ్లి, విడాకుల త‌ర్వాత కూడా స‌మంత టాప్ హీరోయిన్‌గానే దూసుకుపోతుంది. సినిమాల‌తోనే కాకుండా సోష‌ల్ మీడియాలో డిఫ‌రెంట్ పోస్ట్‌లు షేర్ చేస్తూ మంచి ఫ్యాన్ ఫాలోయింగ్ సంపాదించుకుంది. సోషల్ మీడియాలో భారీగా ఫ్యాన్ ఫాలోయింగ్ ఉన్న హీరోయిన్స్ జాబితా చూస్తే అందులో సమంత కూడా ఒకరు. ఇన్ స్టాగ్రామ్ లో ఈ బ్యూటీకి ఏకంగా 15 మిలియన్ల ఫాలోవర్లు ఉన్నారు.

సినిమా ప‌రిశ్ర‌మ‌లోకి ఎంత మంది కొత్త హీరోయిన్స్ వ‌స్తున్నా కూడా ఆమెకు పోటీ ఇవ్వ‌లేక‌పోతున్నారు. వైవిధ్య‌మైన ప్రాజెక్టులు చేస్తూ టాప్ హీరోయిన్‌గా దూసుకుపోతుంది. ఫ్యామిలీ మ్యాన్ 2 వెబ్ సిరీస్‌లో న‌టించిన స‌మంత బాలీవుడ్‌లో కూడా ప్ర‌త్యేక గుర్తింపు తెచ్చుకుంది. అయితే సమంత ఒక్కో సినిమాకు 2 కోట్ల రూపాయల నుంచి 4 కోట్ల రూపాయల వరకు పారితోషికం తీసుకుంటుంది. ఇప్ప‌టి వ‌ర‌కు భారీగానే సంపాదించిన స‌మంత ఆ వ‌చ్చిన డ‌బ్బుని ఏం చేస్తుంద‌నే విష‌యం చ‌ర్చ‌నీయాంశంగా మారింది.

స‌మంత ఒక్క సినిమాల ద్వారానే కాకుండా సోష‌ల్ మీడియా ద్వారా కూడా బాగానే సంపాదిస్తుంది. ఇన్ స్టాగ్రామ్ పోస్టుల ద్వారా ఒక్కో పోస్ట్ కు 7 లక్షల రూపాయల నుంచి 13 లక్షల రూపాయలు సంపాదిస్తుంద‌ని తెలుస్తోంది. ఇలా సినిమాలు, సోష‌ల్ మీడియా ద్వారా సంపాదించిన స‌మంత తాను సంపాదించిన డ‌బ్బుల్లో చాలా వ‌ర‌కు విరాళాల రూపంలో ఖ‌ర్చు చేస్తుంద‌ని తెలుస్తోంది. ప్ర‌త్యూష ఫౌండేష‌న్ ద్వారా త‌న వంతుగా సేవ‌ చేస్తుంటుంది. ముఖ్యంగా చిన్న పిల్లలను, వృద్థులను ఆదుకోవడంలో ఆమె ముందుంటోంది.