Deepika Padukone : బాలీవుడ్ బాద్ షా షారూఖ్ ఖాన్ ఇటీవ‌లి కాలంలో పెద్ద‌గా స‌క్సెస్ లు రుచిచూడ‌డం లేదు. మ‌రోవైపు ఆయ‌న చుట్టూ వివాదాలు చుట్టుముడుతుండ‌డం అభిమానుల‌కి ఆందోళ‌న క‌లిగిస్తుంది. తాజాగా షారుఖ్ ఖాన్ హీరోగారూపొందుతున్న కొత్త సినిమా ‘పఠాన్’. ఈ చిత్రంలో దీపికా పడుకోన్‌ నాయికగా నటిస్తుండ‌గా, జాన్‌ అబ్రహాం మరో కీలక పాత్రను పోషిస్తున్నారు. సిద్ధార్థ్‌ ఆనంద్‌ దర్శకత్వం వహిస్తున్న ఈ సినిమా నుంచి ఇటీవల విడుదలైన ‘బేషరమ్‌ రంగ్‌..’ పాట పట్ల మిశ్రమ స్పందన ల‌భిస్తుంది. సోషల్ మీడియాలో గత కొద్ది రోజులుగా స్త‌బ్ధంగా ఉన్న బాయ్‌ కాట్‌ బాలీవుడ్ ట్రెండ్ సెగ మళ్లీ ఈ సినిమాకు తగులుతున్నది.
తాజాగా విడుదలైన ఈ పాటలో దీపికా పదుకొణె చాలా బోల్డ్‌గా, ఎరోటిక్‌గా కనిపిస్తోంది. పాటలో దీపిక బికినీతో క‌నిపించ‌గా,, అది కూడా కాస్త కాషాయ రంగున్న బికినీలో కనిపించింది. దీంతో సోషల్ మీడియాలో కొంత మంది ఆమెను టార్గెట్ చేస్తున్నారు. ఇప్పుడు మధ్యప్రదేశ్‌లో ఈ సినిమా విడుదలకు ఇబ్బందిగా కనిపిస్తోంది. షారుఖ్ ఖాన్.. పాట చివర్లో ఆమె హాఫ్ బికినీ పై చెయ్య పెట్టడం నచ్చలేదని, ఫ్యామిలీలతో మీ సినిమా చూడలేమంటూ ట్రోల్ చేస్తున్నారు.
తాజాగా మధ్యప్రదేశ్ హోం మంత్రి నరోత్తమ్ మిశ్రా మాట్లాడుతూ, పాటలో ఉపయోగించిన దుస్తులు చాలా అభ్యంతరకరంగా ఉన్నాయని అన్నారు. భ్రష్టు పట్టిన మనస్తత్వం కారణంగానే ఈ పాట చిత్రీకరించినట్లు స్పష్టంగా కనిపిస్తోందని అన్నారు. ఏది ఏమైనప్పటికీ, JNU కేసులో దీపికా పదుకొనే జీ తుక్డే-తుక్డే గ్యాంగ్‌కు మద్దతుదారుగా ఉన్నారని, ఈ కారణంగా, నేను విజువల్స్ మార్చవలసిందిగా అభ్యర్థిస్తున్నానంటూ కామెంట్ చేస్తున్నారు. ఈ క్ర‌మంలోనే బాయ్కాట్ పఠాన్ అనే హ్యాష్ ట్యాగ్ యూట్యూబ్‌లో తెగ ట్రెండ్ అవుతుంది. షారుఖ్ ఖాన్ మాతా వైష్ణో దేవిని దర్శిస్తూనే మరోపక్క హిందువుల నమ్మకాలను వమ్ము చేస్తున్నాడని కామెంట్ చేస్తున్నారు. ఇది ‘లవ్ జిహాద్’, ఘజ్వా-ఎ-హింద్ అని అందుకే ఈ సినిమాను బహిష్కరించాలని కొంద‌రు డిమాండ్ చేశారు.
