రానా తండ్రి కాబోతున్నాడా.. క్లారిటీ ఇచ్చేశారుగా..!

కోవిడ్‌తో ప్రజలంతా భయభ్రాంతులవుతున్న స‌మ‌యంలో రానా తాను ప్రేమించిన మిహికాని పెళ్లి చేసుకున్న విష‌యం తెలిసిందే. అప్పటి నుంచి రానా, మిహిక దాంపత్యం సాఫీగా సాగుతుంది. మ‌ధ్య మ‌ధ్య‌లో వారిద్ద‌రు విడిపోతున్న‌ట్టు పుకార్లు వ‌చ్చేవి. ఆ స‌మ‌యంలో అన్యోన్యంగా ఉంటూ దిగిన ఫోటోలను సోషల్ మీడియాలో పోస్టు చేస్తూ గాసిప్ వార్తలపై నీళ్లు చల్లారు.కొద్ది రోజులుగా మిహికా బజాజ్ ప్రెగ్నెంట్ అని రానా మరియు మిహికా తమ మొదటి బిడ్డకు జన్మనివ్వడానికి సిద్ధమవుతున్నారని వార్తలు వినిపిస్తున్నాయి.

ఈ వార్త‌లు మ‌రింత ఎక్కువైన నేప‌థ్యంలో మిహికా బ‌జాజ్ క్లారిటీ ఇచ్చింది. తాను ప్రెగ్నెంట్ కాదని కానీ తన వైవాహిక జీవితంలో చాలా సంతోషంగా ఉన్నానని చెప్పుకొచ్చింది మిహికా. దీంతో త‌మ‌కు సంబంధించిన అన్ని వార్త‌ల‌కు ఒక్క పోస్ట్‌తో చెక్ పెట్టింది మిహికా. బాహుబలి తర్వాత రానా నటించిన చిత్రాలు పెద్దగా ప్రేక్షకాదరణకు నోచుకోలేకోపోయాయి. అయితే ఆయన భారీగా ఆశలు పెట్టుకొన్న సినిమాలు నిరాశను కలిగించాయి. ప్రస్తుతం నెట్‌ఫ్లిక్స్ కోసం రానానాయుడు అనే వెబ్ సిరీస్‌లో నటిస్తున్నాడు. ఈ చిత్రంలో విక్టరీ వెంకటేష్ కూడా నటించడం విశేషంగా మారింది. ఈ ఇద్దరు కలిసి నటించడం ఇదే మొదటిసారి.

రానా ఈ మధ్యనే పవన్ కళ్యాణ్ నటించిన “భీమ్లా నాయక్” సినిమాలో కీలక పాత్రలో కనిపించారు. ఇక ఈ మధ్యనే రానా హీరోగా నటించిన “విరాటపర్వం” సినిమా ప్రేక్షకులను అంతగా అలరించలేకపోయింది. రానాకి ఇప్పుడు మంచి హిట్ కావ‌ల్సిన అవ‌స‌రం ఎంతైన ఉంది. ఈ క్ర‌మంలో మ‌నోడు త‌ర్వాతి ప్రాజెక్టుల‌ని ఆచి తూచి ఎంపిక చేసుకుంటున్నాడు.