CM YS Jagan : తండ్రిని త‌ల‌చుకొని ఎమోష‌న‌ల్ అయిన వైఎస్ జ‌గ‌న్.. వీడియో వైర‌ల్..

CM YS Jagan : మాజీ ముఖ్య‌మంత్రి, దివ‌గంత నేత వైఎస్ రాజ‌శేఖ‌ర్ రెడ్డి జ‌యంతి సందర్భంగా వైఎస్‌ జగన్‌మోహన్‌రెడ్డి ఇడుపులపాయకి వెళ్లి వైఎస్సార్‌కు నివాళులర్పించారు. శ అనంతపురం జిల్లా పర్యటన ముగించుకుని నేరుగా సీఎం జగన్‌ వైఎస్సార్‌ జిల్లా ఇడుపులపాయలోని వైఎస్సార్‌ ఘాట్‌ వద్దకు చేరుకున్నారు. సీఎం జగన్‌తో పాటు ఆయన సతీమణి వైఎస్‌ భారతి, తల్లి వైఎస్‌ విజయమ్మ, ఇతర కుటుంబ సభ్యులు నివాళులర్పించిన వారిలో ఉన్నారు. అంతకుముందు ఉదయం వైఎస్సార్‌టీపీ అధినేత్రి వైఎస్ షర్మిల తన తండ్రి సమాధి వద్ద నివాళులర్పించారు. అనంతరం అక్కడి వైఎస్సార్ విగ్రహానికి పూలమాల వేసి నివాళులు అర్పించారు.

ప్రతి సంవత్సరం జగన్, షర్మిల కలిసే వైఎస్సార్ ఘాట్ వద్ద వైఎస్ రాజశేఖరరెడ్డి జయంతి కార్యక్రమంలో పాల్గొనేవారు. ఈసారి మాత్రం ఒకరికొకరు ఎదురు పడకుండా.. ఎవరికివారే వేర్వేరు సమయాల్లో నివాళులర్పించేలా ప్లాన్ చేసుకున్నట్టు తెలుస్తుంది.అయితే జ‌గ‌న్ త‌న తండ్రికి నివాళులు అర్పించే స‌మ‌యంలో కొంత భావోద్వేగానికి గురైన‌ట్టు తెలుస్తుంది. అందుకు సంబంధించిన ఫోటోలు, వీడియోలు నెట్టింట వైర‌ల్ అవుతున్నాయి. అయితే జ‌గ‌న్, ష‌ర్మిళ ఇలా విడివిడిగా త‌న తండ్రికి నివాళులు అర్పించ‌డం ఇప్పుడు చ‌ర్చ‌నీయాంశంగా మారింది.

దివంగత ముఖ్యమంత్రి వైఎస్‌ జయంతి, వర్ధంతి సందర్భంగా కుటుంబ సభ్యులంతా కలిసి ఇడుపులపాయలో వైఎస్సార్‌ ఘాట్‌ దగ్గర నివాళులు అర్పించడం గత కొన్ని సంవత్సరాలుగా ఆనవాయితీగా వస్తోంది. కుటుంబ సభ్యులందూ కలిసి ప్రత్యేక ప్రార్థనలు నిర్వహించేవారు. సీఎం జగన్‌, షర్మిల మధ్య గత విభేదాలున్నప్పటికీ గతేడాది ఇద్దరూ తన తల్లితో కలిసి ఘాట్‌ దగ్గర నివాళులు అర్పించారు. కానీ.. ఈసారి మాత్రం ఆనవాయితీకిజ‌గ‌న్ పుల్ స్టాప్ పెట్టినట్టు అనిపిస్తుంది. జయంతి రోజున ఉదయం కాకుండా మధ్యాహ్న ప్రాంతంలో ఇడుపులపాయకు చేరుకోవడం కాస్త సందేహంగానే ఉంది కాగా, జగన్ పర్యటన కార్యక్రమంలో జగన్ కుటుంబ సభ్యులతో కలిసి పాల్గొనే ఎమ్మెల్యే రవీంద్రనాథ్‌ రెడ్డి ఈసారి విదేశీ పర్యటనలో ఉండటం చర్చనీయంగా మారింది.