Chiranjeevi : మ‌న‌వ‌రాలు గ‌ణ‌ప‌తి శ్లోకం అద్భుతంగా చెప్ప‌డంతో ఫిదా అయిన చిరంజీవి

Chiranjeevi : వాడవాడలా వినాయక చవితి వేడుకలు ఘనంగా జరుగుతున్నాయి. ప్రజలంతా అత్యంత భక్తిశ్రద్ధలతో గణనాధుని పూజిస్తున్నారు. చిన్న పెద్దా, పేద ధ‌నిక అనే తార‌తమ్యం లేకుండా గ‌ణ‌నాధుని తొమ్మిది రోజుల పాటు పూజ‌లు చేస్తున్నారు. ఇక సెల‌బ్రిటీలు త‌మ ఇంట జ‌రిగిన వినాయ‌క చవితి వేడుక‌లకి సంబంధించిన ఫొటోల‌ని సోష‌ల్ మీడియాలో షేర్ చేస్తూ ఫ్యాన్స్‌ని అల‌రిస్తున్నారు. టాలీవుడ్ లెజెండరీ హీరో మెగాస్టార్ చిరంజీవి ఈసారి వినాయక చవితి తమకు చాలా స్పెషల్ అని పేర్కొన్నారు. వినాయక చవితి పర్వదినాన ఆయన తన కుటుంబ సభ్యులతో కలిసి వినాయకుడిని పూజించారు. మెగా పవర్ స్టార్ రామ్ చరణ్, కోడలు ఉపాసన, మనవరాలు క్లింకారాతో కలిసి మెగాస్టార్ చిరంజీవి తమ ఇంట్లో వినాయక చవితి పూజలు నిర్వహించారు. ఈ సందర్భంగా కొన్ని బ్యూటిఫుల్ ఫోటోలను షేర్ చేసిన చిరంజీవి అందరికీ వినాయక చవితి శుభాకాంక్షలు తెలియజేశారు.

ట్విట్టర్ వేదికగా కుటుంబ సభ్యులతో కలిసి వినాయక చవితి పండుగ జరుపుకున్న ఫోటోలను షేర్ చేసిన చిరంజీవి ఆ విఘ్నేశ్వరుడి ఆశీస్సులతో జీవితాల్లో విఘ్నాలు తొలగి అందరికీ శుభములు కలగాలని ప్రార్ధిస్తున్నాను అంటూ పేర్కొన్నారు. ఈసారి వినాయక చవితి తమకు చాలా ప్రత్యేకమైనదని చెప్పారు చిరంజీవి. ఈ సారి ప్రత్యేకత … చిన్ని ‘క్లిన్ కారా’ తో కలిసి తొలి వినాయక చవితి జరుపుకోవడం అంటూ తమ సంతోషాన్ని వ్యక్తం చేశారు. మనవరాలు పుట్టిన తర్వాత జరుగుతున్న తొలి వినాయక చవితి కావడంతో ఈ గణేశ చతుర్థి పండుగ తమకు చాలా స్పెషల్ అని చిరంజీవి చెప్పారు.

ఇక వినాయ‌క చ‌వితి రోజున శ్రీజ- క‌ళ్యాణ్ దేవ్ కూతురు గ‌ణ‌ప‌తి శ్లోకం అత్య‌ద్భుతంగా ప‌ల‌క‌డంతో ఆమె టాలెంట్‌కి చిరంజీవితో పాటు ఇత‌ర కుటుంబ స‌భ్యులు కూడా ఫిదా అయ్యారు. చిన్నారికి దీవెన‌లు అందించారు. ఇందుకు సంబంధించిన వీడియో నెట్టింట హ‌ల్‌చ‌ల్ చేస్తుంది. సినిమాల విషయానికి వస్తే.. చిరంజీవి, రామ్ చ‌ర‌ణ్ వ‌రుస సినిమాల‌తో ప్రేక్ష‌కుల‌ని అల‌రించే ప్ర‌య‌త్నం చేస్తున్నారు.