కొర‌టాలపై గ‌తంలో చిరు ప‌రోక్ష సెటైర్లు.. ఎట్ట‌కేల‌కు క్లారిటీ వ‌చ్చేసిందిగా..!

ఆచార్య ముందు వ‌ర‌కు వ‌రుస హిట్స్‌తో దూసుకుపోయాడు కొర‌టాల శివ‌. కాని ఆచార్య మాత్రం కొర‌టాల‌కి పెద్ద దెబ్బ కొట్టింది. చిరులాంటి స్టార్ హీరోకి కొర‌టాల ఫ్లాప్ ఇచ్చాడ‌ని ఆయ‌నపై పలు సంద‌ర్భాల‌లో ఇన్‌డైరెక్ట్ కామెంట్స్ చేస్తూ వ‌చ్చారు చిరు.ఆచార్య నుండి ఇద్ద‌రికి ఏ మాత్రం ప‌డ‌డం లేద‌ని అందుకే కొర‌టాల‌ని టార్గెట్ చేస్తూ కామెంట్స్ చేశార‌ని అనుకున్నారు. అయితే ఇటీవల ఓ ఇంటర్వ్యూలో మాట్లాడుతూ చిరజీవి ఆచార్య సినిమా పై ఆసక్తికర కామెంట్స్ చేశారు. గతంలో చిరంజీవి మాట్లాడుతూ.. సినిమా విషయంలో దర్శకుడు తీసుకునే శ్రద్ధపైనే సినిమా రిజల్ట్ కూడా ఆధారపడి ఉంటుంది అని వ్యాఖ్యలు చేశారు. ఆ సమయంఅందరు ఆచార్య పరాజయానికి కొరటాలే కారణం అంటూ కామెంట్స్ చేశారు. తాజాగా మరోసారి మెగాస్టార్ ఆచార్య పై కామెంట్స్ చేయడం ఆసక్తికరకంగా మారింది.

నేను అన్నది కేవలం కొరటాల శివని మాత్రమే కాదు. అందరి దర్శకులను ఉద్దేశిస్తూ వ్యాఖ్యానించిన మాటలు అవి. అనవసరంగా కొరటాల శివకి, నాకు ఇష్యూ క్రియేట్ చేస్తున్నారు. ఇప్పుడు క్లారిటీ ఇస్తున్నా. స్క్రీన్ ప్లే అంతా రెడీ అయ్యాకే సెట్స్ పైకి వెళ్ళాలి. ఒక సినిమా అనుకున్న ఖర్చులో అవ్వాలి అన్నా, షూటింగ్ పూర్తి చేసుకోవాలి అన్నాకూడా .. దర్శకుడు వల్లే అది సాధ్యం అవుతుంది. పక్కా ప్రణాళిక లేకుండా 4 గంటల సినిమా తీసేసి, మళ్ళీ దానిని ముక్కలు ముక్కలుగా కట్ చేసి 2:30 గంటల సినిమా రిలీజ్ చేస్తే కుద‌ర‌దు. అది మార్చుకోవాలి అంటున్నా. ఇది కేవలం నేను కొరటాల శివాని దృష్టిలో పెట్టుకొని అనడం లేదు. డైరెక్టర్ ని కెప్టెన్ అఫ్ ది షిప్ అంటాము కాబట్టి, అందర్నీ ఉద్దేశించి అంటున్నా” అంటూ చిరంజీవి క్లారిటీ ఇచ్చారు.

ఇక మెగాస్టార్ చిరంజీవి నటించిన వాల్తేరు వీరయ్య సినిమా నేడు ప్రపంచవ్యాప్తంగా ప్రేక్షకుల ముందుకు వ‌చ్చింది అన్ని చోట్ల ఈ సినిమాకు పాజిటివ్ టాక్ వస్తోంది. బాబీ దర్శకత్వంలో తెరకెక్కిన ఈ సినిమా మాస్ మసాలా ఎంటర్టైనర్ గా ప్రేక్షకులను అలరిస్తుంది.మొత్తానికి థియేట‌ర్స్‌లో పూన‌కాలు అయితే లోడ్ అవుతున్నాయి. నిన్న విడుద‌లైన వీర‌సింహారెడ్డి కూడా మంచి విజయం సాధించ‌గా నేడు విడుద‌లైన వాల్తేరు వీర‌య్య కూడా పెద్ద హిట్ కావ‌డం ఖాయం అంటున్నారు మెగా ఫ్యాన్స్.