Chinmayi : స‌మంత‌కు డ‌బ్బింగ్ చెప్పి మంచి పేరు ప్ర‌ఖ్యాత‌లు పొందిన ఆర్టిస్ట్ చిన్మయి. సమాజంలో జరుగుతున్న ఎన్నో విషయాలపై ఆమె రియాక్ట్ అవుతూ ఉంటుంది. సోషల్ మీడియా వేదికపై యాక్టీవ్ రోల్ పోషిస్తూ నిత్యం వార్తల్లో నిలుస్తూ ఉంటుంది చిన్మయి. ఈమెకి సినిమాల క‌న్నా కూడా వివాదాల‌తోనే ఎక్కువ‌గా వార్త‌ల‌లో నిలుస్తూ ఉంటుంది. ముఖ్యంగా మ‌హిళ‌ల‌కు సంబంధించిన విషయాలపై స్పందిస్తూ ఉంటే చిన్మయి వారికి సంబంధించిన విషయాలను సైతం ఎంతో ధైర్యంగా, బహిరంగంగానే చర్చిస్తూంటుంది. ఆడవాళ్లపై జరిగే అత్యాచారాలు, రేప్‌ల గురించి ఘాటుగా రియాక్ట్ కావడం చిన్మయి నైజం.
ఫెమినిజం పట్ల ఆమె పెట్టే పోస్టులు నిత్యం ఎంత వైరల్ అవుతూ ఉంటాయో మ‌నం చూస్తూనే ఉంటాం.. ఈ నేపథ్యంలోనే తాజాగా అమ్మాయిల వర్జినిటీ, పెళ్లి తర్వాత తొలి కలయికపై ఆమె చేసిన కామెంట్స్ వైరల్ అవుతున్నాయి.మొదటి కలయిక సమయంలో అమ్మాయిలకు నొప్పి ఉంటుందని.. రక్తం వస్తేనే వర్జిన్ అని.. టైట్ గా ఉంటేనే వర్జిన్ అని అంటూ ఉంటారు.. అయితే అవన్నీ కేవలం అపోహలు మాత్రమే అంటూ చిన్మయి చెప్పుకొచ్చింది. పెళ్లి కొడుకులు ఇలా ఊహిస్తారని.. కానీ రియాల్టీలో ఇలా ఉండదని.. ఇటీవల వచ్చిన ట్రోల్స్ పై మండిపడింది.. వెజీనా టైట్ గా ఉంటేనే.. రక్తం కారితేనే.. నొప్పి వస్తేనే.. వర్జిన్ అని అపోహ పడుతుంటారు. అవన్నీ అపోహలు అంటుంది చిన్మయి.
కలయిక సమయంలో నొప్పి ఉండి, రక్తం కారడం జ‌రిగితే వైద్యుల‌ని త‌ప్ప‌క సంప్ర‌దించాల‌ని చిన్మయి చెప్పుకొచ్చింది. ఇలాంటి విషయాలను డిస్కస్ చేయడానికి సిగ్గు పడొద్దని, కానీ ఇప్పటి సమాజం అలానే వ్యవహరిస్తుంటుందని, ఇలాంటి విషయాలు ఇలా మాట్లాడతారా? అని మనల్నే తక్కువ చేసి చూస్తారంటూ చిన్మయి పేర్కొంది. తొలి కలయిక మీద అబ్బాయిలు వేసే ట్రోల్స్, జోకులు, మీమ్స్ నిజం కాదని, అవన్నీ అపోహలేనని, వాటిని న‌మ్మోద్దంటూ కోరింది. ఎలాంటి సమస్య ఉన్నా కూడా వెంటనే వైద్యులను సంప్రదించండని చిన్మయి సలహా ఇచ్చింది. తన పోస్టులతో ఎన్నో సార్లు ట్రోల్స్ బారిన పడింది చిన్మయి. అయినప్పటికీ వెనక్కి తగ్గకుండా తాను ఏదైతే చెప్పాలని అనుకుంటుందో అది నిర్మొహమాటంగా బయటపెడుతుంది.
