Chicken Fry Piece Biryani : ఆదివారం వ‌చ్చిందంటే చాలు.. చాలా మంది చికెన్ లేదా మటన్ వంటి మాంసాహారాల‌ను తినేందుకు ఎక్కువ ఆస‌క్తిని చూపిస్తుంటారు. అందులో భాగంగానే చాలా మంది చికెన్ ను తెచ్చుకుని వివిధ ర‌కాలుగా వండి తింటుంటారు. మటన్ ధ‌ర చాలా ఎక్కువ‌గా ఉంటుంది క‌నుక చికెన్ తినే వారే ఎక్కువ‌గా ఉంటారు. ఇక చికెన్‌తో చాలా మంది బిర్యానీ చేసి తింటారు. కానీ ఈ మ‌ధ్య కాలంలో బ‌య‌ట మ‌న‌కు ఎక్కువ‌గా చికెన్ ఫ్రై పీస్ బిర్యానీ గురించి విన‌బ‌డుతోంది. దీన్ని రెస్టారెంట్ల‌లో బాగా విక్ర‌యిస్తున్నారు. అయితే కాస్త శ్ర‌మించాలే గానీ దీన్ని సుల‌భంగా మ‌న ఇంట్లోనే త‌యారు చేసుకోవ‌చ్చు. ఇక చికెన్ ఫ్రై పీస్ బిర్యానీని ఎలా త‌యారు చేయాలో ఇప్పుడు తెలుసుకుందాం.
చికెన్ ఫ్రై పీస్ బిర్యానీ త‌యారీకి కావ‌ల్సిన ప‌దార్థాలు..
చికెన్ – పావు కిలో, నాన‌బెట్టిన బాస్మ‌తి బియ్యం – అర కిలో, అల్లం వెల్లుల్లి పేస్ట్ – 2 టేబుల్ స్పూన్స్, పొడుగ్గా త‌రిగిన ఉల్లిపాయ – 1 (పెద్ద‌ది), త‌రిగిన ప‌చ్చి మిర్చి -5, జీడిప‌ప్పు – కొద్దిగా, ధ‌నియాల పొడి – ఒక టేబుల్ స్పూన్, గ‌రం మ‌సాలా – ఒక టేబుల్ స్పూన్, కారం – ఒక టేబుల్ స్పూన్, ఉప్పు – రుచికి స‌రిప‌డా, నూనె – 4 టేబుల్ స్పూన్స్, నిమ్మ ర‌సం – ఒక టేబుల్ స్పూన్, త‌రిగిన కొత్తిమీర – కొద్దిగా, త‌రిగిన పుదీనా – కొద్దిగా, నీళ్లు – త‌గిన‌న్ని.
మ‌సాలా దినుసులు..
దాల్చిన చెక్క – 3 (చిన్న‌వి), యాల‌కులు – 3,ల‌వంగాలు – 3 , బిర్యానీ ఆకు – రెండు, సాజీరా – ఒక టీ స్పూన్.
చికెన్ ఫ్రై పీస్ బిర్యానీని త‌యారు చేసే విధానం..
ముందుగా చికెన్ లో అల్లం వెల్లుల్లి పేస్ట్, ఉప్పు, కారం, ధ‌నియాల పొడి, గ‌రం మ‌సాలా, నిమ్మ‌ర‌సం వేసి చికెన్ కు బాగా ప‌ట్టేలా క‌లుపుకోవాలి. ఇలా క‌లిపిన త‌రువాత మూత పెట్టి అర గంట పాటు ఉంచాలి. ఇప్పుడు క‌ళాయిలో రెండు టేబుల్ స్పూన్ల నూనె వేసి కాగాక మ‌సాలా దినుసులు, త‌రిగిన ప‌చ్చి మిర్చి, ఉల్లిపాయ ముక్క‌లు వేసి వేయించుకోవాలి. ఇవి కొద్దిగా వేగాక అల్లం వెల్లుల్లి పేస్ట్ వేసి ప‌చ్చి వాస‌న పోయే వ‌ర‌కు వేయించుకోవాలి. త‌రువాత నాన‌బెట్టుకున్న బియ్యం, త‌రిగిన పుదీనా, కొత్తిమీర, ఉప్పు, త‌గిన‌న్ని నీళ్లు పోసి కలిపి ఉడికించాలి. ఇప్పుడు మ‌రో క‌ళాయిలో నూనె వేసి కాగాక జీడిప‌ప్పు, ప‌చ్చి మిర్చిని వేసి ముందుగా ఉప్పు, కారం కలిపి పెట్టుకున్న చికెన్ ను వేసి మ‌ధ్య‌స్ధ మంటపై కలుపుతూ వేయించుకోవాలి. చికెన్ పూర్తిగా వేగిన త‌రువాత ముందుగా ఉడికించి పెట్టుకున్న బాస్మ‌తి బియ్యాన్ని తీసుకుని ఈ ముక్క‌ల‌పై వేసి కొద్దిగా క‌లుపుకోవాలి. ఇలా చేయ‌డం వ‌ల్ల ఎంతో రుచిగా ఉండే చికెన్ ఫ్రై పీస్ బిర్యానీ త‌యార‌వుతుంది. దీనిని నేరుగా లేదా మిర్చి కా సాల‌న్, రైతాల‌తో కలిపి తింటే చాలా రుచిగా ఉంటుంది.
కలియుగ ప్రత్యక్ష దైవం శ్రీ వేంకటేశ్వరుడు కొలువైయున్నతిరుమ‌ల క్షేత్రంలో భక్తుల కష్టాలు తీర్చే వడ్డికాసులవాడిగా శ్రీవారు పూజలందుకుంటున్నారు. ఎన్నో వ్యయ…
Chandra Babu : తిరుమల లడ్డూ వివాదం దేశవ్యాప్తంగా ఎంత చర్చనీయాంశమవుతోంది మ‌నం చూస్తూ ఉన్నాం. కోట్లాదిమంది హిందువుల మనోభావాలను…
కూటమి ప్రభుత్వం వంద రోజుల జ‌ర్నీని పూర్తి చేసుకుంది. ఈ వంద రోజుల కాలంలో ఎన్నో స‌వాళ్లు ప్ర‌తిస‌వాళ్లు ఎదురైన…
సౌత్ ఇండియా టాప్ కొరియో గ్రాఫర్ జానీ మాస్టర్ లైంగిక ఆరోపణల కేసు ఇప్పుడు రెండు తెలుగు రాష్ట్రాల‌లో చ‌ర్చ‌నీయాంశంగా…
మంగళగిరిలో ఏర్పాటు చేసిన ఎన్డీయే కూటమి శాసనసభాపక్ష సమావేశంలో పవన్ కళ్యాణ్ ప‌లు ఆస‌క్తిక‌ర వ్యాఖ్యలు చేసి అంద‌రిని ఆశ్చ‌ర్య‌ప‌రిచారు.…
Balineni : ఏపీలో కూటమి ప్రభుత్వం అధికారంలోకి వ‌చ్చినప్ప‌టి నుండి అనేక పరిణామాలు చోటు చేసుకుంటుండ‌డం మ‌నం చూస్తూనే ఉన్నాం.…
గత ప్రభుత్వం తప్పుడు విధానాలతో రాష్ట్రం నష్టపోయిందని మంత్రి కొల్లు రవీంద్ర మండిపడ్డారు. ఇతర రాష్ట్రాలతో పోలిస్తే ఏపీలో మద్యం…
ప్ర‌స్తుతం టాలీవుడ్ చిత్రాలు పాన్ ఇండియా మూవీస్‌గా రూపొందుతున్న విష‌యం తెలిసిందే. ఇంత‌క‌ముందు మాదిరిగా కాకుండా మ‌న సినిమాల కోసం…
