Chandra Babu : సైకో జ‌గ‌న్ లండ‌న్‌లో ఉన్నా ఏపీలో విధ్వంసం ఆగ‌లేదు.. చంద్ర‌బాబు ఫైర్..

Chandra Babu : ఏపీ సీఎం జ‌గ‌న్‌పై లోకేష్‌తో పాటు చంద్ర‌బాబు గ‌రంగ‌రం అవుతుండ‌డం మ‌నం చూస్తూనే ఉన్నాం. అనంతపురం జిల్లా రాయదుర్గంలో “బాబు షూరిటీ- భవిష్యత్తుకు గ్యారెంటీ” కార్యక్రమంలో టీడీపీ అధినేత నారా చంద్రబాబు నాయుడు పాల్లొన్నారు. రాష్ట్రంలో ప్రతి ఒక్కరి తలపైనా అప్పుల కుంపటి పెట్టిన జగన్‌.. లండన్‌లో విహారయాత్రలు చేస్తున్నారని ఆయన ఆగ్రహం వ్యక్తం చేశారు. 10 రూపాయ‌లు ఇచ్చి వంద‌రూపాయలు లాక్కుంటున్నార‌ని మండిప‌డ్డారు. అభివృద్ది పేరుతో అప్పులు తెచ్చి వాటిని లూటీ చేశారంటూ చంద్ర‌బాబు మండిప‌డ్డారు. అన్ని వ‌ర్గాల పొట్ట‌గొట్టిన వైసీపీ నేత‌ల‌కు వ‌చ్చే ఎల‌క్ష‌న్స్‌లో త‌గిన బుద్ది చెప్పాల‌ని చంద్ర‌బాబు అన్నారు.

రాయ‌లు ఏలిన ర‌త‌నాల సీమ రాళ్ల సీమ‌గా మారింది. 102 ప్రాజెక్ట్‌లు ర‌ద్దు చేసిన ద్రోహిగా చంద్ర‌బాబు మిగిలారంటూ ఆవేద‌న వ్య‌క్తం చేశారు చంద్ర‌బాబు. గోదావ‌రి జ‌లాల‌ను సీమ‌కి తెచ్చే ప్ర‌య‌త్నం నేను చేస్తే దానిని ఎడారిగా మార్చేందుకు జ‌గ‌న్ ప్ర‌య‌త్నిస్తున్నారు. వైసీపీ నేత‌లు నాలుగు సంవ‌త్స‌రాల‌లో 40వేల కోట్లు రూపాయ‌లు దోచుకున్నార‌ని చంద్ర‌బాబు మండిప‌డ్డారు. అన్యాయాల‌ని ప్ర‌శ్నించే వారంద‌రిని హిసించ‌డం సైకో జ‌గ‌న్‌కి అల‌వాటు అంటూ చంద్ర‌బాబు ఫుల్ ఫైర్ అయ్యారు. ఎన్నిక‌లు స‌మీపిస్తున్న వేళ ఓట‌ర్స్ అంద‌రు జాగ్ర‌త్తగా ఉండాలంటూ చంద్ర‌బాబు సూచ‌న చేశారు.

నిప్పులా బతికిన తనపైనే తప్పుడు కేసులు పెడుతున్నారంటూ వైసీపీ ప్రభుత్వంపై టీడీపీ అధినేత చంద్రబాబు మండిపడ్డారు. జగన్ అరాచక పాలన అంతం కోసం ఇంటికొకరు తనతో పాటు ముందుకు రావాలని పిలుపునిచ్చారు. ఒకటి, రెండు రోజుల్లో తనను అరెస్ట్ చేసే అవకాశం ఉందని చెప్పారు. తనపై కూడా దాడి చేస్తారని అన్నారు. ఎన్ని చేసినా వెనక్కి తగ్గే ప్రసక్తే లేదని చెప్పారు. మహాభారతం, రామాయణంలో ధర్మం గెలిచినట్టు చివరకు మనమే గెలుస్తామని అన్నారు. గతంలో ఎప్పుడూ రాని మెజార్టీ ఈ ఎన్నికల్లో వస్తుందని ధీమా వ్యక్తం చేశారు. అనంతపురం జిల్లా రాయదుర్గంలో పల్లె ప్రగతి కోసం ప్రజావేదిక కార్యక్రమంలో ఆయన మాట్లాడుతూ ఈ వ్యాఖ్యలు చేశారు.