Boyapati Srinu : చంద్ర‌బాబు అరెస్ట్‌పై ఎన్టీఆర్ స్పందించ‌క‌పోవ‌డం ప‌ట్ల బోయ‌పాటి ఇలా అనేశాడేంటి..!

Boyapati Srinu : స్కిల్ డెవ‌ల‌ప్‌మెంట్ కేసులో చంద్ర‌బాబు అరెస్ట్ త‌ర్వాత ఏపీ రాజ‌కీయాలు ఎంతగా మారాయో ప్ర‌త్యేకంగా చెప్ప‌న‌క్క‌ర్లేదు. ప్రస్తుతం చంద్రబాబు రాజమండ్రి సెంట్రల్ జైలులో ఉన్నారు. ఈ క్రమంలో చంద్రబాబు అరెస్టుకు నిరసనగా ఆందోళనలు జరుగుతున్న విషయం తెలిసిందే. చంద్ర‌బాబు అరెస్ట్ త‌ర్వాత టీడీపీతోపాటు ఇతర రాజకీయ పార్టీల నేతలు, సినీ ప్రముఖులు కూడా చంద్రబాబును అరెస్టును ఖండించారు. అయితే, నందమూరి కుటుంబంలో కీలక సభ్యుడైన జూనియర్ ఎన్టీఆర్ మాత్రం ఈ విషయంపై ఇప్పటి వరకు స్పందించలేదు. దీంతో ఈ వ్యవహారం చర్చనీయాంశంగా మారింది. ఎన్టీఆర్ స్పందించకపోవడంపై ఇటీవల నందమూరి బాలకృష్ణ స్పందిస్తూ.. కొందరు స్పందించకుంటే ఏంటీ? డోంట్ కేర్ అంటూ వ్యాఖ్యానించారు.

ఎన్టీఆర్ గతంలో టీడీపీ తరపున ప్రచారం చేసిన సంగతి తెలిసిందే. ప్రస్తుతం చంద్రబాబు అరెస్ట్ పై ఎన్టీఆర్ స్పందించకపోవడంపై కొంతమంది విమర్శలు చేస్తున్నారు. మరికొంతమంది ఎన్టీఆర్ కి సపోర్ట్ గా మాట్లాడుతున్నారు. ఎన్టీఆర్ ఎందుకు స్పందించట్లేదు అనే దానిపై కూడా పలువురు వ్యాఖ్యానించారు. త‌న‌ని వాడుకొని వ‌దిలేసిన‌ప్పుడు అస‌లు ఎందుకు స్పందించాల‌ని కొంద‌రు అంటుంటే, మ‌రి కొంద‌రు మాత్రం ఆయ‌న సినిమా షూటింగ్స్ తో బిజీగా ఉండ‌డం వ‌ల‌న స్పందించ‌లేక‌పోయార‌ని అన్నారు. అయితే తాజాగా బోయ‌పాటి శీను ఇన్‌డైరెక్ట్‌గా చేసిన కామెంట్స్ వైర‌ల్ అవుతున్నాయి.

చంద్ర‌బాబు పోరాటంకి సంఘీభావం తెలిపిన ప్ర‌తి ఒక్క‌రికి ధ‌న్యవ‌దాలు తెలిపిన బోయపాటి శీను ఐటీ ప్రోఫెష‌న‌ల్స్, సాఫ్ట్ వేర్ ఇంజనీర్స్ కి ప్ర‌త్యేక కృత‌జ్ఞ‌త‌లు తెలియ‌జేశారు. వారికి మార్గ‌ద‌ర్శ‌కుడిగా ఉన్న చంద్ర‌బాబు మేలు మ‌ర‌చిపోకుండా ఆయ‌న‌కి అండ‌గా ఉన్న‌దందుకు ధ‌న్య‌వాదాలు అని బోయ‌పాటి అన్నారు. మాన‌వ‌త్వం, మంచిత‌నం, విశ్వాసం చూపించిన వారికి త‌ప్ప‌క కృత‌జ్ఞ‌తలు తెలియ‌జేయాలి. వారే అంత‌చేసిన‌ప్పుడు వారికి ద‌గ్గ‌ర‌గా ఉండి మాలాంటి వాళ్లు స్పందించ‌క‌పోతే మ‌నిషే కాదు. అందుకే నేను ఇక్క‌డికి వ‌చ్చాను అని బోయ‌పాటి అన్నారు. అయితే ఆయ‌న ఎన్టీఆర్‌ని ఇన్‌డైరెక్ట్‌గా విమ‌ర్శించాడు అని కొంద‌రు కామెంట్స్ చేస్తున్నారు.