Bolisetty Srinivas : ఏపీ ప్ర‌జ‌ల‌ను ప‌వ‌న్ మోసం చేశారు.. బొలిశెట్టి పాత వీడియో వైర‌ల్‌..!

Bolisetty Srinivas : గత కొన్నాళ్ల నుంచి టాలీవుడ్ లో హాట్ టాపిక్ గా మారిన మెగా వర్సెస్ అల్లు కాంట్రవర్సీ మళ్ళీ తాజాగా అన్నట్టుగా మారింది. గత జూన్ నెలలో టాలీవుడ్ హీరో ఐకాన్ స్టార్ అల్లు అర్జున్ తన భార్య స్నేహితుడు శిల్ప రవి అనే అతను తాలూకా ఎన్నికల ప్రచారం కోసం వెళ్లిన సంగతి అందరికీ తెలిసిందే. ఈ ఇన్సిడెంట్ తర్వాత అల్లు వర్సెస్ మెగా గా మారిపోయింది. కాగా ఇక్కడ నుంచి రచ్చ మరింత ఎక్కువ అయ్యింది. సోషల్ మీడియాలో అయితే ప్రతి రోజు కూడా అల్లు అర్జున్ అభిమానులు చిరంజీవి, పవన్ కళ్యాణ్, రామ్ చరణ్ ఫ్యాన్స్ తో వార్స్ చేస్తూనే వస్తున్నారు. అయితే మధ్యలో కొంచెం సెటిల్ అయ్యింది అనే చాలా మంది అనుకున్నారు.

తాజాగా జనసేన ఎమ్మెల్యే అల్లు అర్జున్‌ను ఉద్దేశించి చేసిన వ్యాఖ్యలు హాట్‌ టాపిక్‌గా మారాయి. తాజాగా ఓ వేదిక అల్లు అర్జున్‌ “నాకు నచ్చితేనే వస్తా.. ఇష్టమైతేనే వస్తా’ అని చేసిన వ్యాఖ్యలపై తాడేపల్లిగూడెం జనసేన ఎమ్మెల్యే బొలిశెట్టి శ్రీనివాస్‌ను స్పందించమని ఓ జర్నలిస్ట్‌ కోరగా “అసలు అల్లు అర్జున్‌కి ఫ్యాన్స్‌ ఉన్నారా? ఆ సంగతి నాకు తెలియదు. మామూలుగా నాకు తెలిసి ఉన్నదంతా మెగా ఫ్యాన్సే. మెగా కుటుంబం నుంచి విడిపోయి వచ్చిన వ్యక్తులు బ్రాంచ్‌లుగానీ, షామియానా కంపెనీలాగా ఏమైనా పెట్టుకుంటే మాకు తెలియదు. కానీ ఉన్నదే మెగా ఫ్యాన్స్‌. ఇక్కడ ఉన్నదే చిరంజీవి ఫ్యామిలీ. అంతే తప్ప అల్లు అర్జున్‌కి ఫ్యాన్స్‌ ఉన్నారని నాకు తెలియదు. ఆయన అలా ఊహించుకుంటున్నాడు ఏమో! ఆయన స్థాయి మరిచిపోయి మాట్లాడుతున్నాడు, చాలా జాగ్రత్తగా మాట్లాడాలి’’ అని బొలిశెట్టి శ్రీనివాస్‌ అన్నారు.

చిరంజీవి గారి అభిమానులు నీతో ఆయన్ని చూస్తున్నారు. పవన్‌ కళ్యాణ్‌ అభిమానులు, పవన్‌కల్యాణ్‌ని చూసుకుంటున్నారు. ఆయన్ని కాదు నేను పెద్ద పుడింగిని.. నాకు ఇష్టమైతేనే వస్తా అంటే మానేసి వెళ్ళిపో. ఎవడికి కావాలి? నిన్నేమైనా రమ్మని అడిగామా? నువ్వు వస్తే ఏంటి? రాకపోతే ఏంటి? 21 చోట్ల నిలబడితే 21 స్థానాల్లో గెలిచాం. నువ్వు వెళ్లిన ఒక్క సీటు కూడా ఓడిపోయింది. మీ నాన్న ఎంపీగా నిలబెడితే నువ్వు నెగ్గించలేదు నువ్వు, అందరినీ విమర్శించడం మంచిది కాదు’’ అని బొల్లిశెట్టి కామెంట్‌ చేశారు. అయితే ఇదే స‌మ‌యంలో చంద్ర‌బాబుని, ఏపీని ప‌వ‌న్ మోసం చేశాడంటూ గ‌తంలో బొలిశెట్టి చేసిన కామెంట్స్‌ని బ‌న్నీ అభిమానులు తెగ వైర‌ల్ చేస్తున్నారు.