భూమా మౌనిక‌ని రెండో పెళ్లి చేసుకోబోతున్న మంచు మ‌నోజ్.. ఆమె గురించి ఈ విష‌యాలు మీకు తెలుసా..?

మంచు మోహ‌న్ బాబు వార‌సుడు మంచు మ‌నోజ్ న‌టుడిగా మంచి పేరు ప్ర‌ఖ్యాత‌లు అందుకున్నాడు. అయితే ఇటీవ‌ల ఆయ‌న గ‌డ్డు ప‌రిస్థితులు ఎదుర్కొంటున్నాడు. సినిమాలు చేయ‌క‌పోవ‌డంతో పాటు ప‌ర్స‌న‌ల్ లైఫ్ లోను ఇబ్బందులు ఎదుర్కొన్నాడు. మొద‌టి భార్య‌కు విడాకులు ఇచ్చిన మ‌నోజ్ భూమా మౌనికరెడ్డిని వివాహం చేసుకోబోతున్నట్లు 20వ తేదీన మనోజ్ ప్రకటించబోతున్నారని అందరూ భావిస్తున్నారు. ఇటీవలే కడప దర్గాకు వెళ్లిన మనోజ్ అక్కడ మీడియాతో మాట్లాడారు. త్వరలోనే తాను కొత్త జీవితం ప్రారంభించబోతున్నానని, ఈసారి కుటుంబంతో కలిసి ఇక్కడకు వస్తానని వ్యాఖ్యానించారు.

గతంలో ఎప్పుడూ లేనివిధంగా మనోజ్ చేసిన ట్వీట్ వైరలైంది. ఇద్దరికీ ఇది రెండో వివాహమవుతుంది. అయితే మ‌నోజ్.. భూమా మౌనికని పెళ్లి చేసుకోబోతున్నాడ‌ని అభిమానులు భావిస్తున్న‌నేప‌థ్యంలో ఆమె గురించి వాక‌బు చేస్తున్నారు. భూమా మౌనిక దివంగత రాజకీయ నేత భూమా నాగిరెడ్డి దంపతుల రెండో కూతురు కాగా, భూమా మౌనిక గతంలోనే ఒక వ్యక్తిని పెళ్లి చేసుకుని ఆ వ్యక్తితో మనస్పర్ధలు రావడం వల్ల విడిపోయారు. భూమా మౌనికకు ఐదేళ్ల కొడుకు ఉన్నాడు. ప్రస్తుతం మౌనిక హైదరాబాద్ లోనే ఉంటుంది.

అక్క అఖిలప్రియతో ఆస్తి వివాదాలు ఉండగా ఆ సమస్యలను కూడా పరిష్కరించుకోవాలని భూమా మౌనిక భావిస్తున్నారు. ఆళ్లగడ్డ నియోజకవర్గంలో భూమా మౌనికకు ప్రజల్లో మంచి పేరు ఉండటం గమనార్హం. మౌనికా రెడ్డి మంచి మాటకారి కావడంతో పాటు మృదు స్వభావి కూడా. ఆమె చాలా మందికి సాయం చేసింద‌ని త్వ‌ర‌లో ఆళ్ల‌గ‌డ్డ రాజ‌కీయాల‌లో చ‌క్రం తిప్పాల‌ని భావిస్తున్న‌ట్టుగా తెలుస్తుంది. అయితే మనోజ్ మౌనికను పెళ్లి చేసుకోవడం మనోజ్ కుటుంబ సభ్యులకు ఇష్టం లేదని ఇండస్ట్రీ వర్గాల్లో వినిపిస్తోంది.ఈ విష‌యంలో మ‌నోజ్‌తో ఆయ‌న కుటుంబ స‌భ్యులు గొడ‌వ ప‌డ్డార‌ని, మాట్లాడ‌డం లేద‌ని కూడా ప్ర‌చారం జ‌రిగింది. ఇందులో వాస్త‌వం ఎంత ఉంద‌నేది తెలియ‌దు.