Barrelakka : కేసీఆర్ మ‌న బ‌తుకుల‌కి ఏం చేసిండు.. కొడుకు, కూతురికి పెద్ద బిల్డింగులు క‌ట్టించిండ‌న్న బ‌ర్రెల‌క్క‌

Barrelakka : బర్రెల‌క్క‌.. ఇప్పుడు ఈ పేరు తెగ మారుమ్రోగిపోతుంది. సరదాగా చేసిందో.. లేక తన అసహనాన్ని తెలిపేందుకు చేసిందో కానీ.. ఓ రీల్ తన జీవితాన్ని ఊహించని మలుపు తిప్పింది. ప్రస్తుతం ఎన్నికల బరిలో దిగి.. తెలంగాణలో ఓ సంచలనంగా మారింది బర్రెలక్క అలియాస్ కర్నె శిరీష. నాగర్ కర్నూల్ జిల్లా కొల్లాపూర్ నియోజకవర్గం నుంచి బర్రెలక్క పోటీ చేస్తున్నా.. తనకు రాష్ట్ర వ్యాప్తంగా మద్దతు లభిస్తోంది. నిరుద్యోగుల సమస్యలపై పోరాడేందుకు బరిలో దిగేందుకు నిర్ణయించుకున్న బర్రెలక్కకు.. కేవలం యువత నుంచే కాదు అన్ని వర్గాల నుంచి మద్దతు లభిస్తోంది.

ఈమె క్రేజ్‌కు తగినట్లుగానే ఆంధ్రాలో సైతం బర్రెలక్కకు అభిమానులు పుట్టుకొచ్చారని చెప్పవచ్చు. ప్రధానంగా ప్రకాశం జిల్లాలో రూపాయి సేవా అనే కార్యక్రమం ద్వారా సేవా కార్యక్రమాలు నిర్వహిస్తున్న ఓ యువకుడు, తెలంగాణకు వెళ్లి బర్రెలక్కను కలిసి మద్దతు ఇవ్వడమే కాక నాలుగు రోజులు ప్రచారం సైతం నిర్వహించాడు. అయితే కోడెర్ మండలంలో బర్రెలక్క ప్రచారం జోరుగా కొనసాగింది. బర్రెలక్క అభిమానులు ఆమెకు అభిమానంతో కిరీటాన్ని బహుకరించారు. కిరీటాన్ని ధరించిన బర్రెలక్క .. పెద్దకొత్తపల్లిలో అంబేడ్కర్ విగ్రహానికి పూలమాల వేసి ప్రచారం నిర్వహించారు. విజిల్ గుర్తు పై ఓటువేసి కొల్లాపూర్లో భారీ మెజారిటీతో గెలిపించాలని ఓటర్లను కోరారు. ఈ ప్రచారంలో యువకులు పెద్ద ఎత్తున పాల్గొని బర్రెలక్కను గెలిపించాలని మద్దతు ఇచ్చారు.

బ‌ర్రెలక్క త‌న ప్ర‌చారంలో కేసీఆర్‌పై నిప్పులు చెరిగింది. కేసీఆర్ ఎక్క‌డెక్కడో త‌న కూతురు, కొడుక్కి పెద్ద పెద్ద బిల్డింగులు కొనిచ్చాడు. మ‌న‌కి మాత్రం ఏం చేశాడు. ఆయ‌న వ‌ల్లే క‌దా మ‌నకి ఇలాంటి ప‌రిస్థితి వచ్చింది. నన్ను గెలిపిస్తే మీకు మంచి చేస్తాను. అంద‌రికి ఉద్యోగాలు వ‌చ్చేలా చేస్తాను. ఎన్నో బెదిరింపు కాల్స్ వచ్చినా.. దాడులు జరిగినా.. పోలీసులు రక్షణ కల్పించకపోయినా.. మొక్కవోని ధైర్యంతో.. తనతో కలిసి నడుస్తున్న యువతే కొండంత అండగా ముందుకు సాగుతోంది.