Barrelakka : బ‌ర్రెల‌క్క‌కు గుడ్ న్యూస్‌.. మంత్రి ప‌ద‌వి ఆఫర్‌..!

Barrelakka : ఈ సారి ఎన్నిక‌ల‌లో ప్ర‌త్యేక ఆక‌ర్ష‌ణ‌గా నిలిచింది బర్రెల‌క్క‌. ఎంత చదివినా డిగ్రీలకు డిగ్రీలు మెమోలు వస్తున్నాయి గానీ జాబ్‌లు అయితే వస్తలేవు. నోటిఫికేషన్ వేయరు.. ఏం వేయరు అందుకే మా అమ్మను అడిగి నాలుగు బర్లు కొన్నా… పొద్దున 3 లీటర్లు, సాయంత్రం 3 లీటర్లు మొత్తం 6లీటర్ల పాలు ఇస్తాయి… రోజుకు రూ.300ఎక్కడ పోవు ఫ్రెండ్స్… ఇవ్వే మా బర్లు” అంటూ ఆమె చేసిన వీడియో నెట్టింట అప్పట్లో తెగ వైరల్ అయ్యింది. ఈమె అస‌లు పేరు శిరీష కాగా, స్వగ్రామం నాగర్ కర్నూల్ జిల్లా పెద్దకొత్తపల్లి మండలం మరికల్. డిగ్రీలు చేసినా ఉద్యోగాలు రావడం లేదంటూ వినూత్నంగా రూపొందించిన ఆమె వీడియో సందేశం రెండేళ్ల క్రితం తెగ వైరల్ కావ‌డంతో ఆమెకి ప్ర‌త్యేక గుర్తింపు ద‌క్కింది.

బర్రెలక్కగా తెలంగాణ ప్రజలకు సుపరిచితులైన శిరీష నాగర్ కర్నూల్ జిల్లా కొల్లాపూర్ నియోజకవర్గం నుంచి ఎన్నికల బరిలో నిలిచింది. ఆమె ఎప్పుడైతే బ‌రిలో నిలిచిందో ఆమె పేరు తెగ మారుమ్రోగింది. గెలిచి సంచ‌ల‌నం సృష్టిస్తుందేమో అని అంద‌రు అనుకున్నారు. కాని బ‌ర్రెల‌క్క పూర్తిగా నిరాశ‌ప‌ర‌చింది. బర్రెలక్క తమ్ముడిపై కూడా ఎన్నికల్లో నిలబడ్డాక దాడి జరగడంతో… ఆమె గెలుస్తుందనే భయంతోనే ఇలా చేస్తున్నారని తెలంగాణలో చాలా మంది మండిపడ్డారు. కాని నిరాశనే ఎదురైంది. అయితే ఆమె నిరుద్యోగుల కోసం పోరాడిన తీరు ప్ర‌తి ఒక్క‌రిని ఆక‌ట్ట‌కుంది. ఇప్పుడు ఏకంగా రేవంత్ రెడ్డి కూడా బర్రెల‌క్క గురించి తెలుసుకొని ఆమెని త‌మ పార్టీలోకి ఆహ్వానించిన‌ట్టు ప్ర‌చారం జ‌రుగుతుంది. మ‌రి దీనిపై క్లారిటీ రావ‌ల‌సి ఉంది.

ఇక ఇదిలా ఉంటే ఇంటి పెద్ద కొడుకు ప్రయోజకుడైతే ఎంత సంతోషం ఉంటుందో అంతకంటే ఎక్కువ ఆనందం ఉందని మురిసిపోతున్నారు రేవంత్ రెడ్డి గ్రామ‌స్థులు. రేవంత్ ఎప్పుడు ఊరికి వచ్చినా అందరినీ ఆప్యాయంగా పలకరిస్తాడని చెప్పుకొచ్చారు. అత్త, మామ, బావ, అక్క అంటూ వరుసలు కలుపుతూ కలిసిపోతారని.. ఆయన ఊరికి వచ్చాడంటేనే పండుగలా ఉంటుందంటూ ఆయనతో ఉన్న అనుబంధాన్ని వివరించారు. తమ పటేల్ చాలా మంచివాడంటూ తెలిపారు. ప్రతీ దసరాకు ఊరికి వచ్చి అందరితో సరదాగా గడుపుతారని వివరించారు. ఢిల్లీకి రాజైనా.. తల్లికి కొడుకే అన్నట్టు ఆయన ఏ పదవిలో ఉన్న సొంతూరిని, ఊరి ప్రజలను మాత్రం ఆయన మర్చిపోరంటూ గ్రామస్థులు ఎంతో గొప్పగా చెప్పారు.