Balakrishna : రోజాకి దిమ్మ‌తిరిగే పోయే పంచ్ వేసిన బాల‌కృష్ణ‌.. ఇక నోట మాట రాదు..!

Balakrishna : ఆంధ్రప్రదేశ్ రాష్ట్రంలో చంద్రబాబు అరెస్టు తర్వాత రాజకీయాలు ఎంత ర‌స‌వ‌త్తరంగా మారుతున్నాయో మ‌నం చూస్తూనే ఉన్నాం. ఊహించని విధంగా తెరమీదకు వచ్చిన నారా బ్రాహ్మణి, భువనేశ్వరి వైసీపీ ప్రభుత్వం పై విరుచుకుపడుతున్నారు. అక్రమ కేసులు పెట్టి చంద్రబాబును ఇరికించారని విమర్శలు గుప్పిస్తున్నారు. ఈ క్ర‌మంలో బ్రాహ్మ‌ణి, భువ‌నేశ్వ‌రిపై మంత్రి రోజా తీవ్ర ఆగ్ర‌హం వ్య‌క్తం చేసింది. స్కిల్ డెవలప్మెంట్ కేసులో దొరికిపోయిన చంద్రబాబు జైల్లో కూర్చుంటే కనీసం సిగ్గు లేకుండా చంద్రబాబు భార్య, ఆయన కోడలు, గంట కొట్టండి, విజిల్స్ వేయండి .. సీఎం జగన్ కు బుద్ధి చెప్పండి అంటున్నారని మండిపడ్డారు. నారా బ్రాహ్మణి తెలియక మాట్లాడుతుందో తెలిసి అబద్ధాలు ట్వీట్ చేస్తున్నారో అర్ధం కావడం లేదు అంటూ విమర్శించారు.

ఆంధ్రప్రదేశ్ రాష్ట్రంలో ఉన్న పేద ప్రజల కోసం, వారి సంక్షేమం కోసం టీడీపీ అధినేత చంద్రబాబు ఎప్పుడైనా ఆలోచించారా అంటూ రోజా ప్రశ్నించారు. ఆంధ్రప్రదేశ్ రాష్ట్రంలో సైకోలు ఎవరైనా ఉంటే అది మీ నాన్న హిందూపురం ఎమ్మెల్యే బాలకృష్ణ, మీ మామ నారా చంద్రబాబు నాయుడు మాత్రమే అంటూ రోజా తీవ్రవ్యాఖ్యలు చేశారు. సీఎం జగన్మోహన్ రెడ్డి గురించి ఇంకోసారి మాట్లాడితే మర్యాద దక్కదని రోజా హెచ్చరికలు జారీ చేశారు. ఇన్ని రోజులు బ్రాహ్మణి రాజకీయం చేయలేదు కాబట్టి తాను మాట్లాడలేదని, ఇప్పుడు అసత్య ట్వీట్లు చేస్తున్నారు కాబట్టి మాట్లాడుతున్నానని మంత్రి రోజా మండిపడ్డారు. రాజకీయాల్లో 45 ఏళ్ల ఇండస్ట్రీ అని పబ్లిసిటీ చేసుకునే చంద్రబాబు ప్రజల కోసం చేసింది ఏమీ లేదని రోజా మండిపడ్డారు.

అయితే రోజా కామెంట్స్‌పై బాల‌య్య త‌న‌దైన శైలిలో స్పందించారు. మీరు పిచ్చి పిచ్చిగా మాట్లాడితే బాగుండ‌దు. చంద్ర‌బాబు నాయుడు పిక్క మీద ఉన్న వెంట్రుక కూడా మీరు పీక‌లేరు. అరెస్ట్‌ల‌కి మేమెవ‌రం భ‌య‌ప‌డం. తెలుగు దేశంకి ద‌క్కుతున్న ఆద‌ర‌ణ చూసి అలాంటి కామెంట్స్ చేస్తున్నారు. ఫైబర్‌ గ్రిడ్‌ కేసు పెడతామని వైసీపీ నాయకులు అంటున్నారు. ఫైబర్‌ గ్రిడ్‌లో అవినీతిని నిరూపించాలని వైసీపీ నాయకులకు ఎమ్మెల్యే బాలకృష్ణ ఛాలెంజ్‌ విసిరారు. రాష్ట్ర అభివృద్ధిని వైసీపీ గాలికి వదిలేసి..జగన్‌‌ ప్రతిపక్షాలపై కక్ష సాధింపు చర్యలకు పాల్పడుతున్నారని ఆయన విమర్శించారు. ఏ ఆధారం ఉందని చంద్రబాబును అరెస్ట్‌ చేశారని ఎమ్మెల్యే బాలకృష్ణ ప్రశ్నించారు.