Ashwini Dutt : జ‌గ‌న్ స‌ర్కార్ పై విమ‌ర్శ‌లు గుప్పించిన‌ అశ్వినీదత్.. పాన్ ఇండియా అంటే సిగ్గు పడాల్సి వ‌స్తుంద‌ని కామెంట్..

Ashwini Dutt : కొద్ది రోజులుగా సినిమా ప‌రిశ్ర‌మ‌తో ఏపీ ప్ర‌భుత్వం ఫైట్ చేస్తుంది. టిక్కెట్ రేట్స్ పెంచే విష‌యంలో అప్పుడు పెద్ద ఎత్తున ఉద్య‌మ‌మే న‌డిచింది. అయితే ఏపీ ప్ర‌భుత్వం సినీ ప‌రిశ్ర‌మ‌ని చిన్న చూపు చూస్తుంద‌ని కొంద‌రు భావిస్తున్నారు. గతంలో తెలుగు సినిమాలకు నంది అవార్డుల రూపంలో ప్రభుత్వం అవార్డులు ఇచ్చేది. అప్పట్లో ఈ అవార్డులను చాలా ప్రతిష్టాత్మకంగా నిర్వహించేవారు. ఎప్పుడైతే ఆంధ్రప్రదేశ్ విడిపోయి.. రెండు తెలుగు రాష్ట్రాలుగా విడిపోయిందో అప్ప‌టి నుండి నంది అవార్డుల‌పై దృష్టి పెట్ట‌డం లేద‌ని కొంద‌రు నిర్మాత‌లు మండిప‌డుతున్నారు.

సూపర్ స్టార్ కృష్ణ పుట్టిన రోజును పురస్కరించుకుని ‘మోసగాళ్లకు మోసగాడు’ సినిమాను ఈ మే 31న మళ్ళీ విడుదల చేసేందుకు సోమవారం ఈ చిత్ర నిర్మాత, కృష్ణ తమ్ముడు ఆదిశేషగిరి రావు మీడియా సమావేశం నిర్వహించారు. అభిమానుల కోరిక మేరకు ఈ సినిమాను విడుదల చేస్తున్నామని తెలిపారు. ఈ సందర్భంగా నంది అవార్డలుపై మీడియా అడిగిన ప్రశ్నలకు నిర్మాతలు ఆదిశేషగిరిరావు, అశ్వనీదత్ షాకింగ్ కామెంట్స్ చేశారు. తెలుగు రాష్ట్రాలు రెండుగా విడిపోయాక నంది అవార్డులపై అప్రస్తుతం అయిపోందని శేషగిరి రావు చెప్పుకొచ్చారు.

తెలంగాణ, ఏపీ ప్రభుత్వాలు నంది అవార్డులపై ఎటువంటి ఆసక్తి చూప‌డం లేద‌న్నారు. గతంలో ప్రభుత్వం అవార్డుకు ఓ వాల్యూ ఉండేదని, తన ఉద్దేశంలో ఈ అవార్డులకు అంత ప్రాధాన్యత లేకుండా పోయందని చెప్పారు.‘ ప్రస్తుతం నడుస్తున సీజన్ వేరు కదా.. ఉత్తమ రౌడీ, ఉత్తమ గూండ వాళ్లకు ఇస్తారు అవార్డులు. రెండు మూడేళ్లలో ఘనంగా అవార్డులు ఇచ్చే రోజులు వస్తాయి. అప్పుడు మనందరికీ అవార్డులు వస్తాయి అని ఏపీలోని జగన్ సర్కార్‌ను ఉద్దేశించి వ్యంగ్యంగా వ్యాఖ్యలు చేశారు అశ్వనీదత్. పాన్ ఇండియా సినిమాలంటుంటే సిగ్గు పడాల్సి వ‌స్తుంద‌ని కూడా ఆయ‌న మండిపడ్డారు.