Anushka Shetty : అనుష్క పెళ్లికి ముహూర్తం ఫిక్స్ అయిందా.. అత‌నిని చేసుకోబోతుందంటూ జోరుగా వార్త‌లు..

Anushka Shetty : టాలీవుడ్‌లో ఉన్న స్టార్ హీరోయిన్ల.. జాబితాలో అనుష్క ముందు వరుసలో ఉంటుంది. నాగార్జున నటించిన సూపర్ సినిమాతో తెలుగు ఇండస్ట్రీకి ప‌రిచ‌యం అయిన ఈ ముద్దుగుమ్మ ఆన‌తి కాలంలోనే స్టార్ స్టేట‌స్ సంపాదించుకుంది. అరుంధతి సినిమాతో అనుష్క రేంజ్ ఒక్కసారిగా మారిపోయింది. తెలుగులో హీరోలతో సమానంగా అనుష్కకు మార్కెట్ ఉందంటే అతిశేయోక్తి కాదు. అయితే బాహుబ‌లితో దేశ వ్యాప్తంగా క్రేజ్ తెచ్చుకున్న ఈ భామ సైజ్ జీరో సినిమాతో లావు పెరగినందున సినిమాలు త‌గ్గించింది. బరువు తగ్గడానికి చాలా ప్రయత్నాలు చేసింది. దాదాపు 100 కేజీలకు పైగా బరువు పెరిగి షాకిచ్చింది.

ఆవెంటనే నిశ్శబ్దం సినిమా కోసం బరువు తగ్గి మాములు స్థితిలోకి వచ్చింది. గతేడాది యంగ్ హీరో నవీన్ పోలిశెట్టితో కలిసి మిస్ శెట్టి మిస్టర్ పోలిశెట్టి సినిమాతో అనుష్క ప్రేక్షకుల ముందుకు వచ్చింది. రీ ఎంట్రీ తర్వాత బ్యాక్ టు బ్యాక్ సినిమాలకు గ్రీన్ సిగ్నల్ ఇస్తోంది అమ్మడు.అనుష్క పరిశ్రమకు వచ్చి దాదాపు 19 ఏళ్ళు అవుతుంది. కథ నచ్చితే తప్పిస్తే అనుష్క సినిమా ఒప్పుకోదనే విషయం తెలిసిందే.అయితే తాజాగా అనుష్క తన కొత్త సినిమాపై అఫిషియల్‌గా ఎనౌన్స్‌మెంట్ చేసింది. ‘కథానర్’ అనే సినిమాలో నటించడానికి అనుష్క గ్రీన్ సిగ్నల్ ఇచ్చింది.అయితే అనుష్క వ్యక్తిగత జీవితానికి సంబంధించి ఎప్పుడూ ఒక ప్రశ్న వినిపిస్తూనే ఉంటుంది. అదేంటంటే.. అనుష్క పెళ్లి ఎప్పుడు? ఇప్పుడు కాదు.. ఎప్పటి నుంచో ఈ ప్రశ్న గురించి పెద్దఎత్తున చర్చలు జరుగుతూనే ఉంటాయి. అప్పట్లో అనుష్క పెళ్లి ఫిక్స్ అయింది అని కూడా వార్తలు వచ్చాయి.

అయితే అవన్నీ కేవలం గాసిప్స్ అనే విషయం తర్వాత అర్థమైంది. ఇప్పుడు మరోసారి స్వీటీ పెళ్లి విషయం తెరపైకి వచ్చింది. ప్రస్తుతం అనుష్క వయసు 42 సంవత్సరాలు. ఇంట్లో వాళ్లు కూడా పెళ్లి విషయంలో కంగారు పెడుతున్నారు అంటూ చెబుతున్నారు. తాజాగా ఓ బిజినెస్ మ్యాన్ సంబంధం ఫ్యామిలీకి బాగా నచ్చింది అంటున్నారు. అలాగే అతను కూడా అనుష్కను వివాహం చేసుకోవడానికి రెడీగా ఉన్నాడని చెబుతున్నారు. అయితే స్వీటీ నుంచి ఇంకా గ్రీన్ సిగ్నల్ అయితే రాలేదు అనేది ఈ వార్తల సారాంశం. వస్తున్న వార్తలను బట్టి చూస్తే.. అనుష్క కూడా గ్రీన్ సిగ్నల్ ఇచ్చేస్తే త్వరలోనే పెళ్లి పీటలు ఎక్కేసే అవకాశాలు కనిపిస్తున్నాయి.