Anasuya : త‌న‌పై వ‌స్తున్న ట్రోల్స్‌పై స్పందించిన అన‌సూయ‌.. ఏమ‌న్న‌దంటే..?

Anasuya : తెలుగు టెలివిజన్ ప్రపంచంలో గ్లామరస్ యాంకర్ గా తనకంటూ ఒక ప్రత్యేకమైన గుర్తింపును అందుకున్న వారిలో అందాల ముద్దుగుమ్మ అనసూయ భరద్వాజ్ ఒకరు. యాంకర్ అనే పదానికి సరికొత్త అర్థం తీసుకువచ్చిన అనసూయ ఆ తర్వాత బుల్లితెర‌కి గ్లామ‌ర్ అద్దింది. సినిమా ఇండస్ట్రీలో కూడా నటిగా విభిన్నమైన క్రేజ్ అందుకుంది. అయితే అప్పుడప్పుడు సోషల్ మీడియాలో కూడా అనసూయ తన గ్లామర్ తో కుర్రాళ్లను ఎంతగానో ఎట్రాక్ట్ చేస్తూ అల‌రిస్తూ ఉంటుంది. జ‌బ‌ర్ధ‌స్త్ షోతో మంచి క్రేజ్ అందిపుచ్చుకున్న ఈ ముద్దుగుమ్మఇటీవ‌ల జ‌బర్దస్త్ నుంచి బయటకు వచ్చింది.

ఇక ఆ తర్వాత అనసూయ సినిమా ఇండస్ట్రీలో బిజీ అయ్యే ప్రయత్నం చేస్తుంది. ఆమెకు ప్రత్యేకమైన క్రేజ్ తీసుకువచ్చిన సినిమా మాత్రం క్షణం అనే చెప్పాలి. అందులో నెగిటివ్ పాత్రలో అనసూయ నటించిన విధానం ఓ వర్గం వారిని ఎంతగానో ఆకట్టుకుంది. ఆ తర్వాత రామ్ చరణ్ రంగస్థలం సినిమాలో రంగమ్మత్తగా కనిపించి మరో లెవల్ కు వెళ్ళిపోయింది. ఇటీవ‌ల రంగ‌మార్తాండ సినిమాలో కూడా అన‌సూయ పాత్ర‌కి మంచి మార్కులే ప‌డ్డాయి. అయితే టీవీ షోస్‌ని తాను ప‌క్క‌కి పెట్ట‌డానికి కార‌ణం ట్రోల్స్, కామెంట్స్ నుంచి దూరంగా ఉండేందుకు అని కొద్ది రోజుల క్రితం పేర్కొంది.

తాను చాలా సందర్భాల్లో భాషకి సంబంధించిన ట్రోల్స్ ఎదుర్కొందట. తనపై ట్రోల్స్ కి సంబంధించిన ప్రస్తావన వచ్చినప్పుడు తాను మాట్లాడే భాషలపై ట్రోల్స్చేశారు. తాను ఇంగ్లీష్‌లో స్పందిస్తుంటే, ఫస్ట్ నువ్వు తెలుగులో మాట్లాడు అని, తెలుగు చెప్పు అంటూ ట్రోల్‌ చేశారని, నిజం చెప్పాలంటే అక్కడి నుంచే తనపై ట్రోల్స్ స్టార్ట్ అయ్యాయని అన‌సూయ పేర్కొంది. అయితే తాను తెలంగాణ బిడ్డనే అని, ఇంట్లో తెలంగాణ భాషలోనే మాట్లాడుకుంటామని తెలిపింది అనసూయ. కాకపోతే స్టడీస్‌, పెరిగిన విధానం నేపథ్యంలో తనకు ఇంగ్లీష్‌ ఎక్కువగా వస్తుందని, ఇంట్లో ఇంగ్లీష్‌, హిందీ మాట్లాడుకుంటామని వెల్లడించింది. కానీ కమ్యూనికేషన్‌కి భాష ముఖ్యం కాదు, ఎమోషన్స్ ముఖ్యమని పేర్కొంది అన‌సూయ‌. ట్రొల్స్ చేసేవారికి శిక్ష కూడా వేయించిన‌ట్టు అన‌సూయ పేర్కొంది.