నీ రేటెంత అని దారుణంగా అన‌సూయ‌ను అడిగిన నెటిజ‌న్‌.. అందుకు ఆమె ఏమ‌ని చెప్పిందంటే..?

విజ‌య్ దేవ‌ర‌కొండ లేటెస్ట్ మూవీ లైగ‌ర్ ఫ్లాప్ అవ‌డంతో అంద‌రూ ఆ చిత్ర యూనిట్‌ను తీవ్రంగా విమ‌ర్శిస్తున్న విష‌యం తెలిసిందే. అయితే గ‌తంలో త‌మ మ‌ధ్య ఉన్న వైరాన్ని గుర్తు చేసుకుని యాంక‌ర్ అన‌సూయ కూడా ఘాటుగా విమ‌ర్శ‌లు చేసింది. దీన్ని త‌ట్టుకోలేని విజ‌య్ ఫ్యాన్స్ ఆమెను ఆంటీ అంటూ ట్రోల్ చేయ‌డం మొద‌లు పెట్టారు. ఈ క్ర‌మంలోనే త‌న‌ను విమర్శిస్తున్న వారికి అన‌సూయ చాలా స్ట్రాంగ్‌గా రిప్లై ఇస్తోంది కూడా. అయితే తాజాగా అన‌సూయ‌కు కొందరు నెటిజ‌న్లు వింత ప్ర‌శ్న‌లు వేశారు.

గత మూడు రోజులుగా వరుసగా ట్వీట్లు చేస్తూ ఆమె తన సహనాన్ని, తన బాధను, తన ఆవేదనను వ్యక్తం చేస్తోంది. అయితే నెటిజన్లు ఆమెను ఆంటీ అంటూ వ్యక్తిగత దూషణలకు పాల్పడుతున్నా ట్వీట్లు చేయడం మాత్రం ఆపడం లేదు. అనసూయను ఓ నెటిజన్ ప్రశ్నిస్తూ.. ఆంటీ అని పిలిస్తే రెస్పెక్ట్ లేనట్టా అని అంటే.. ఇలా వితండ వాదాలు చేస్తే మీకొచ్చే లాభం ఏమిటి ? నా పిల్లల ఫ్రెండ్స్, మా చుట్టాల్లో పిల్లలకు నేను ఆంటీనే. కానీ ఇక్కడ మీరతంతా చూసేది నా వయస్సును. మీ ఉద్దేశాలు వేరు. అది తప్పు. అది అగౌరవ పరచడం అని అంటున్నాను అని అనసూయ ఘాటుగా స్పందించింది.

ఇదే క్రమంలో మరో నెటిజన్ అనసూయని అసభ్యంగా ప్రశ్నిస్తూ ట్వీట్ చేశాడు. ఒక రోజుకి నీ రేటు ఎంత.. అదే ఒక షోకి ఎంత తీసుకుంటావు అంటూ వెటకారంగా ప్రశ్నించాడు. దీంతో అతడికి అనసూయ ఎమోషనల్ గా దిమ్మతిరిగే ఆన్సర్ ఇచ్చింది. చాలా లోకువ కదండీ మీకు నేనంటే.. అదే మీ చెల్లినో, భార్యనో ఇలా అడుగుతారా.. మీ రేటు ఎంత.. అదే ఆఫీస్ లో వాళ్ళని అడిగితే ఏం చెబుతారు అని ఫైర్ అయింది. దీంతో ఆ నెటిజన్ ఆ ట్వీట్ ని వెంటనే డిలీట్ చేశాడు. ఇలా అనసూయ నెటిజన్లతో గొడవకు దిగడంపై ఓ నెటిజన్ స్పందిస్తూ.. దీనికి ముగింపు లేదా అనసూయ గారు అంటే.. మీ చేతుల్లోనే ఉన్నది. లేదా చివరికు చట్ట ప్రకారం శిక్ష పడుతుంది అని అనసూయ ఘాటుగా వార్నింగ్ ఇచ్చింది.